‘सरकार तुमच्या दारी’ शिबीरात नागरिकांक कल्याणकारी येवजण्यांची म्हायती

“‘सरकार तुमच्या दारी’ उपक्रमाचो उद्देश प्रशासन नागरिकांच्या लागी हाडप- मुख्यमंत्री

ता. 25 सप्टेंबर 2026

प्रशासन जनतेच्या अदीक लागी हाडपाच्या उद्देशान सेवा संकल्प अभियानां खाला आयज शिरोडा ग्रामपंचायतीत ‘सरकार तुमच्या दारी’ शिबिर आयोजीत केल्ले. ह्या शिबिरात नागरिकांक विवीध सरकारी कल्याणकारी येवजण्यांची म्हायती दिवन येवजण्यांचो लाव घेवपाक अर्ज भरप आनी हेर सोपस्कार पुर्ण करपाक नागरिकांक मजत केली. शिबिरात ‘म्हजे घर’, उज्ज्वला योजना, कृशी योजना आनी हेर कल्याणकारी येवजण्यांचेर मार्गदर्शन करून, भौशीक सेवा लोकांमेरेन पावोवपाक संबंदीत अधिकाऱ्यांनी मजत केली.

ह्या वेळार उलयतना मुख्यमंत्री डॉ. प्रमोद सावंत हांणी सांगलें, ‘म्हजे घर’ येवजणेचो उद्देश, जुनी घरां आवश्यक कायदेशीर प्रक्रिया पुर्ण करून पात्र कुटुंबांक घराचो मालकी हक्काची सुरक्षा प्रदान करप आशिल्ल्याचें सांगलें. 28 फेब्रुवारी 2014 पयली बांधलेली घरां आवश्यक कायदेशीर प्रक्रिया पुर्ण करून घरांचे कायदेशीर दाखले मेळपाक लोकांक मजत जातली.

प्रशासन सेवा लोकांमेरेन पावोवपाच्या उपक्रमाविशीं उलयतना डॉ. सावंत हांणी सांगलें, ‘सरकार तुमच्या दारी’उपक्रमाचो उद्देश सरकारी सेवा नागरिकां मेरेन पावोवप , जेणे करून लोकांक येवजण्यांचो लाव घेवपाक योजना आणि मदतीचा लाभ घेण्यासाठी सरकारी कार्यालयांनी फावटी मारपाक लागचो ना. तांणी उज्ज्वला येवजणेक मेळिल्ल्या प्रतिसादाचो उल्लेख करून 2 लाखां परस चड अर्ज आयिल्ल्याचें सांगलें. तांणी पीएम दिव्यांग केंद्रासारख्या उपक्रमांचोय उल्लेख केलो, जे वरवीं भौशीक सेवा आनी मजत नागरिकां मेरेन चड बेगीन पावपाक मजत जाता.

समाजकल्याण मंत्री श्री सुभाष फळ देसाय, जलसंपदा आनी सहकार मंत्री श्री सुभाष शिरोडकर, दक्षीण गोंय जिल्हाधिकारी एग्ना क्लीटस, IAS, जिल्हा पंचायत सदस्य श्रीमती. पूनम सामंत आनी गौरी शिरोडकर, सरपंच, बेतोडा/निरंकाल श्री अक्षय गावकर, सरपंच, बोरी संगीता बोरकर, सरपंच शिरोडा श्रीमती. मुग्धा शिरोडकर, सरपंच, पंचवाडी श्रीमती. लिबी सिल्वेरा आनी सरकारी अधिकारी ह्या वेळार उपस्थित आशिल्लें.

म्हा /सप/ / विगां/ 2026/650