कॅप्टन ऑफ पोर्ट्स टर्मिनल इमारत आनी जेट्टी सुविधांच्या निविदे संदर्भात स्पष्टीकरण

ता. 24 सप्टेंबर 2026

कॅप्टन ऑफ पोर्ट्स खात्यान आपल्या पणजेच्या कॅप्टन ऑफ पोर्ट्स टर्मिनल इमारत आनी जेट्टी सुविधांचे ऑपरेशन आनी देखभाली खातीर हालीच काडिल्ल्या निविदे संदर्भात कांय दिकाभूल करपी वृत्तपत्रांतल्यो बातम्यों आनी दुबावा विशीं खुलासो केला.

कॅप्टन ऑफ पोर्ट्स टर्मिनल बिल्डिंग वा जेट्टींचे “खाजगीकरण” करपाचो कसलोच प्रस्ताव ना. ही निविदा ऑपरेशन आनी देखभाल, कांय सुविधांचे वेवसायिक ऑपरेशन, देखभाल आनी वेवस्थापनाच्या वेवस्थेखातीर आसा. ह्या निविदेवरवीं टर्मिनल बिल्डिंग वा सरकारी मालकीच्या जेट्टी मालमत्तेची मालकी खाजगी ऑपरेटराकडे दिवपाचो प्रस्ताव ना, अशें स्पश्टीकरण कॅप्टन ऑफ पोर्ट्स खात्यान केला.

कॅप्टन ऑफ पोर्ट्स टर्मिनल बिल्डिंग वा सरकारी जेट्टी विकपाचो वा खाजगीकरण करपाचो कसलोच प्रस्ताव ना. ह्या निविदे वरवीं सरकारी मालमत्ता कायम दवरून त्यो चलोवप आनी देखभाली खातीर वेवसायिक तंत्र आनी कुशळटायेचो वापर करपाचो प्रयत्न आसा. भौशीक सागरी पायाभूत सुविधांची बरी देखभाल, प्रवासी आनी बोटींच्या चालकां खातीर सुरक्षा आनी सेवा उपलब्ध करपा वांगडाच सरकाराक शाश्वत येणावळ मेळोवन दिवपाचो हेत आसा, अशें खुलाशात म्हणला.

म्हा /सप/ / विगां/ 2026/646