राज्यपालाकडल्यान गोंयच्या लोकांक विशू सणाची परबीं

ता. 13 एप्रिल 2026

गोंयचे राज्यपाल श्री. पुसापती अशोक गजपती राजू हांणी विशू सणानिमतान गोंयच्या लोकांक आनी खास करून केरळच्या भावांक तशेंच संवसारभरांतल्या हेर केरळयीनांक काळजासावन उर्बेभरीत परबीं भेटयल्या.

राज्यपाल आपल्या संदेशात म्हणटा, विशू सण समृध्दी, अपेक्षा आनी नव्या सुरवातीचो उत्सव आसा. विशू सणाची पवित्र परंपरा आमकां सकारात्मकता, उपकार आनी बरी सुरवात फुडल्या फलदायी वर्सा खातीर वाट करून दिता ह्या भावार्थाचो उगडास करून दिता.

हो सण भक्तीभावान आनी उमेदीन मनयतात, आमचो सांस्कृतीक वारसो मजबूत करता आनी एकजूट, सलोखो आनी आपलेपणाच्या मुल्यांक उर्बा दिता.

ह्या उमेदीच्या प्रसंगार हांव सगळ्यां लोकांक आमच्या समृद्ध परंपरेचो उत्सव मनयतना प्रगतीशील आनी आस्पावीत समाज निर्माण करपा खातीर आपली कटीबद्दता वाडोवपाचो उलो मारता.

हो शुभ उत्सव प्रत्येकाच्या जीणेत खुशालकाय, भरभराट आनी नवी सुरवात घेवन येव आनी सगळ्यांमदी एकजूट आनी सांस्कृतीक सलोख्याचे नाते मजबूत जाव.

विशू सण प्रत्येकाच्या जीणेत समृध्दी आनी भरभराट घेवन येव, अशें राज्यपालान संदेशात म्हणला.

म्हा /सप/ / विगां/ 2026/250