मतदार वळेरी विशीं दावें वा आक्षेप आसल्यार सादर करपाची सुचोवणी
ता. 19 नोव्हेंबर 2026
केंद्रीय वेंचणूक आयोगाच्या कार्यक्रमा प्रमाण 1 जानेवारी 2027 ही पात्र तारीख धरून देशांत मतदार वळेरी विशेश उजळणी मोहिम चालू आसा. ह्या मोहिमे वरवीं सगळ्यां पात्र नागरिकांची मतदार म्हुण नोंदणी जातली आनी मतदार वळेरी अचूक आनी वेवस्थीत करतले.
मतदार वळेरी विशीं कसलेय दावें वा आक्षेप आसल्यार ते ता. 12 नोव्हेंबर ते 11 डिसेंबर 2026 मेरेन स्विकारतले. दावे वा आक्षेप आसल्यार ते 28 डिसेंबर 2026 मेरेन निकालात काडटले. 4 जानेवारी 2027 दिसा अंतिम मतदार वळेरी प्रसिध्द जातली. विशेश मतदार वळेरी उजळणी कार्यक्रमा खातीर 28 आनी 29 नोव्हेंबर 2026 आनी 5 आनी 6 डिसेंबर 2026 दिसा विशेश मोहिम दीस आसतले.
मजगती, उत्तर गोंय जिल्ह्यातल्या ज्या विधानसभा मतदारसंघांतल्यान 12 ते 19 नोव्हेंबर मेरेन आयिल्लें दावे आनी आक्षेपांची यादी संबंदीत निर्वाचन नोंदणी अधिकाऱ्यांनी उत्तर गोंय जिल्ह्यातल्या मान्यताय राजकीय पक्षांक सादर केल्या.
म्हा /सप/ / विगां/ 2026/730
