डॉ. रघुनाथ माशेलकर हांकां फाल्या ‘गोमंत गौरव सन्मान’ भेटयतले
ता. 15 एप्रिल 2026
नामनेचे शास्त्रज्ञ आनी पद्मभूषण पुरस्कार जैतिवंत डॉ. रघुनाथ माशेलकर हांकां तांच्या विज्ञान, संशोधन आनी राष्ट्र उबारणीच्या मळावयल्या उत्कृश्ट योगदाना खातीर फाल्या ‘गोमंत गौरव सन्मान’ भेटयतले. कला अकादमीत आयोजीत गोवा 2037: गिन्यान, उद्देग आनी शाश्वताय परिशदेत डॉ. रघुनाथ माशेलकर हांकां ‘गोमंत गौरव सन्मान’ भेटयतले. कार्यक्रमाक सांजेच्या 4.00 वराचेर सुरवात जातली आनी सांजेच्या 6.00 ते 7.00 वरा मजगती सन्मान सुवाळो जातलो.
गोवा चेंबर ऑफ कॉमर्स अॅण्ड इंडस्ट्री आनी एमआयटी वर्ल्ड पीस युनिवर्सिटी हांच्या जोड पालवान परिशदेचे आयोजन केला. 2037 मेरेन गोंयांक शिक्षण, उद्देग आनी शाश्वतायेचे हब करपा खातीर उद्देग, शिक्षण आनी धोरण तयार करपी मळावयले प्रतिनिधीं ह्या परिशदेच्या माचयेर चर्चा करतले.
म्हा /सप/ / विगां/ 2026/251