गोंय विद्यापिठात वातावरणीय विज्ञानात एम.एससी. अभ्यासक्रम

ता. 28 एप्रिल 2026

गोंय विद्यापिठाच्या पृथ्वी, समुद्र आनी वातावरणीय विज्ञान विभागान हवामान आनी तापमान शाखांतल्या कुशळ वेवसायिक/मनिसबळा खातीरची वाडटी जागतिक मागणी पुर्ण करपा खातीर वातावरणीय विज्ञानात विशेश एम.एससी. अभ्यासक्रम सुरू केला. हवामानात सध्या सतत आनी खर बदल जायत आसा. विद्यार्थ्यांक हवामानाचो अचुक अंदाज घेवपाक, हवामानाचे पृथक्करण आनी आपत्ती वेवस्थापना खातीर आवश्यक आशिल्लें शास्त्रीय गिन्यान आनी तांत्रिकी कुशळटाय दिवपा खातीर हो अभ्यासक्रम तयार केला. हालीच्या प्रगत उपग्रह तंत्रज्ञान, डाटा सायन्स आनी संख्याविशयक मॉडेलिंगचो आस्पाव करून पर्यावरणीय देखरेख आनी लवचीकपणातल्या राष्ट्रीय आनी आंतरराष्ट्रीय प्राधान्यां कडेन अभ्यासक्रम सलग्न आसा. [

तात्विक ज्ञानासयत विस्तारान प्रात्यक्षिक प्रशिक्षण शिक्षणाचो अणभव ह्या अभ्यासक्रमातल्यान मेळटलो. विद्यार्थ्यांक वातावरणीय भौतिकशास्त्र, हवामानशास्त्र आनी हवामानाचो अंदाज घेवपाचे गिन्यान मेळटले. अभ्यासक्रमात उपग्रहांची म्हायती, हवामानाचो अंदाज घेवपाची यंत्रणां आनी आधुनिक पृथक्करण साधनांच्या वापराचो अणभव घेवपाक मेळटलो. तशेंच उपग्रह निरिक्षण, हवामान यंत्रणेचो टॉव्हर आनी ईस्त्रोच्या अंतरिक्ष भौतिकशास्त्र प्रयोगशाळेत कॅम्पस सुविधा आसतली.

म्हा /सप/ / विगां/ 2026/296