गोंयांत फाल्याच्यान जनगणनेचो पयलो पांवडो सुरू

ता. 15 एप्रिल 2026

गोंयांत घरांच्या जनगणनेचो पयलो पांवडो फाल्या 16 एप्रिल सावन सुरू जातलो आनी 15 मे 2026 मेरेन चलतलो. राज्य सरकारान जनगणना 2027 खातीर अधिकृत अधिसुचोवणी जारी केल्या. जनगणनेचो पयलो पांवडो 30 दीस चलतलो.

पयल्या पांवड्यार घरांची जनगणना आनी दुसऱ्या पांवड्यार लोकसंख्येची जनगणना जातली. जनगणने खातीर 3000 प्रशिक्षीत कर्मचाऱ्यांची नेमणूक केल्या. ह्या पांवड्यार 33 पद्दतीचें प्रस्न विचारून म्हायती एकटाय करतले. घराचे बांदकाम, रचना, सुवात, घराचो मुखेली आनी ताचे लींग, घरांत आशिल्ल्यो उदक, लायट, नितळसाण, रांदपाची सुविधा, इंधन, मालमत्तेची मालकी, डिजिटल सुविधा, वाहन अशें प्रस्न विचारतले.

मजगती लोकांक दिल्ली सेल्फ इनुमरेशन सुविधा काल सोपली. 1 एप्रिल ते 15 एप्रिलच्या मध्यराती मेरेन सेल्फ इनुमरेशनाचो काळ आशिल्लो. सुमार 12,000 कुटुंबांनी se.census.gov.in. ह्या डिजिटल प्लॅटफॉर्माचो वारप करून सेल्फ इनुमरेशन नोंदणी केली. कसलीय कागाळ आसल्यार वा मजत जाय आसल्यार 1855 ह्या टॉल फ्री हेल्प नंबराचेर संपर्क करचो.

म्हा /सप/ / विगां/ 2026/254