मुख्यमंत्र्या हस्तुकीं अपरांत सुरक्षा भवनाचे उक्तावण

ता. 24 जुलय 2026

मुख्यमंत्री डॉ. प्रमोद सावंत हांणी आयज आल्तिन-पणजी हांगा कारखाने आनी बाश्पक निरीक्षक खात्याच्या ‘अपरांत सुरक्षा भवन’ ह्या नव्या कार्यालय इमारतीचे उक्तावण केले. गोंय राज्य पायाभूत सुविधा विकास महामंडळान 13.53 कोटी रुपया खर्च करून इमारतीचे बांदकाम केला.

कारखाने आनी बाश्पक खात्याचे मंत्री श्री. निळकंठ हळर्णकर आनी हेर मानेस्त उक्तावणाच्या कार्यक्रमाक उपस्थित आशिल्लें.

ह्या वेळार उलयतना मुख्यमंत्री डॉ. प्रमोद सावंत हांणी प्रशासकीय कामकाजाची स्थळां सुरक्षीत आनी आधुनिक भौशीक पायाभूत सुविधांनी सुसज्ज करपाक सरकार बांदिल आशिल्ल्याचें सांगून कारखाने आनी बाश्पक खात्याची ही इमारत आधुनिक आनी नागरिक-केंद्रित सुविधा उभारपाच्या सरकाराच्या प्रयत्नांचो एक म्हत्वाचो टप्पो आसा. अपरांत सुरक्षा भवन सुरक्षा यंत्रणांक एका पाख्याखाला हाडटा, जाका लागून संबंदीत यंत्रणांमदी समन्वय आनी जलद सेवा दिवपाक शक्य जाता. आधुनिक सुरक्षा चाचणी प्रयोगशाळा, प्रशिक्षण सुविधा, परिषद सुविधा तशेंच आधुनिक प्रशासकीय सुविधा नव्या इमारतीत आसात. उद्देगीक आस्थापनांनी कामाच्या सुवातांचेर सुरक्षीतता वाडोवपाक आनी वेवसाय सुलभतेक ह्या सुविधांचो फायदो जातलो. कामाच्या सुवातांचेर कामगारांक सुरक्षीत आनी पोशक वातावरण निर्माण करपाक प्राधान्य दिवप आवश्यक आसा.

गोंय राज्य पायाभूत सुविधा विकास महामंडळाचे वेवस्थापकीय संचालक श्री रोहित कदम, कारखाने आनी बाश्पक खात्याचे सचीव श्री संजीव एम. गडकर, मुख्य निरीक्षक श्री अनंत एस. पांगम, गोवा चेंबर ऑफ कॉमर्स आनी इंडस्ट्रीजच्यो अध्यक्ष श्रीमती प्रतिमा धोंड आनी सरकारी अधिकारी ह्या वेळार उपस्थित आशिल्लें.

म्हा /सप/ / विगां/ 2026/484