केंद्रीय नवीन आनी नवीकरणीय ऊर्जा मंत्र्याहस्तुकीं संवसारीक पवन दीस परिशदेचें उक्तावण

ता. 15 जून 2026

केंद्रीय नवीन आनी नवीकरणीय ऊर्जा मंत्री श्री. प्रल्हाद जोशी हांच्या हस्तुकीं आयज आयटीसी ग्रॅण्ड गोंवा हांगा “संवसारीक पवन दीस” परिशदेचें उक्तावण जालें. “पवन ऊर्जा, म्हत्वाकांक्षा ते गतिवृध्दी” अशी परिशदेची संकल्पना आशिल्ली. केंद्रीय नवीन आनी नवीकरणीय ऊर्जा मंत्रालयान परिशदेचे आयोजन केल्ले. केंद्रीय नवीन आनी नवीकरणीय ऊर्जा राज्यमंत्री श्री. श्रीपाद नाईक आनी गोंय सरकारचे नवीन आनी नवीकरणीय ऊर्जा मंत्री श्री. रामकृष्ण (सुदिन) ढवळीकर हांच्या उपस्थितीत परिशदेचे उक्तावण जालें.

ह्या वेळार उलयतना केंद्रीय नवीन आनी नवीकरणीय ऊर्जा मंत्री श्री. प्रल्हाद जोशी हांणी फाटल्या दशकात भारताच्या नवीकरणीय ऊर्जा क्षेत्रान उल्लेखनीय वाड जाल्ली आसून, पवन आनी सौर ऊर्जा शाश्वत विकासाचे मुखेल घटक म्हूण मुखार आयल्यात. प्रभावी धोरणां, दर्जेदार मुळाव्यो साधनसुविधा आनी मजबूत अंमलबजावणी भारताक नवीकरणीय ऊर्जा मळार जागतिक फुडारपण करपाक मजत करपाक शकता, अशें तांणी नमूद केले.

केंद्रीय नवीन आनी नवीकरणीय ऊर्जा मंत्रालयाचे राज्यमंत्री श्री श्रीपाद नाईक हांणी सांगलें की, भारतान नितळ ऊर्जे खातीर म्हत्त्वाकांक्षी उद्दिश्ट्यां निश्चित केल्ली आसून वितरणातल्या अडचणींक तोंड दिता आसतनाच पवन ऊर्जेचो वापर वाडोवपाच्या प्रयत्नांना गती दिवपाची गरज आसा, अशें सांगलें.

गोंय सरकारचे नवीन आनी नवीकरणीय ऊर्जा मंत्री श्री रामकृष्ण (सुदिन) ढवळीकर हांणी पवन ऊर्जा हो ऊर्जेचो एक नितळ, परवडपी आनी पर्यावरणाक अनुकूल स्रोत आसून जो अदीक हरित आनी शाश्वत फुडारा खातीर आवश्यक आसा, अशें सांगलें.

परिशदेतल्या चर्चेत ऊर्जा सुरक्षा मजबूत करप, आर्थिक विकासाक चालना दिवप आनी पर्यावरणीय शाश्वतताये खातीर पवन ऊर्जेच्या म्हत्त्वपूर्ण भूमिकेचेर उजवाड घातलो. भारताच्या पवन ऊर्जा क्षेत्रातल्या विकासाचो फुडलो पांवडो गाठपा खातीर आवश्यक आशिल्ल्या धोरणात्मक सुधारणा, तांत्रिक प्रगती आनी हेर संबंदीत विशयांचेर परिशदेत चर्चा जाली.

केंद्रीय नवीन आनी नविनीकरण ऊर्जा मंत्रालयाचे सचीव संतोष कुमार सारंगी, भारतीय सौर ऊर्जा म्हामंडळाचे वेवस्थापकीय संचालक आकाश त्रिपाठी आनी ऊर्जा विभागांचे अधिकारी परिशदेक उपस्थित आशिल्लें.

म्हा /सप/ / विगां/ 2026/409