सचिवालयांत अवयव दान जागृताय कार्यक्रम जालो

ता. 16 जून 2026

अवयव दानाविशीं जागृताय करप आनी जीण वाचोवपाक योगदान दिवपाक नागरिकांक प्रोत्साहन दिवपाच्या हेतून गोंय विधिमंडळ सचिवालयान आयज आपले अधिकारी आनी कर्मचाऱ्यां खातीर अवयव दान जागृताय कार्यक्रमाचे आयोजन केल्ले. ह्या कार्यक्रमात कर्मचाऱ्यांक अवयव दानाचे म्हत्व आनी ताचो समाजाचेर जावपी परिणाम हे विशीं म्हायती करून दिली.

गोंय विधानसभेचे सभापती डॉ. गणेश गांवकार हे कार्यक्रमाक मुखेल सोयरे म्हूण उपस्थित आशिल्लें. तांणी ह्या वेळार उलयतना अवयव दानाचे म्हत्व सांगतना अवयव दान हे मनशाकडल्यान जावपी उदात्त देणगी आशिल्ल्याचें सांगलें. अवयव दानातल्या बहुमुल्य जीण वाचपा वांगडाच दुख्खात आशिल्ल्या कुटुंबाक नवी आशा आनी उमेद मेळटा, अशें सांगलें.

दुसऱ्याक मजत करप ही खरी मानव सेवा आशिल्ल्याचें सांगून तांणी कर्मचाऱ्यांक समाजामदी अवयव दानाविशीं जागृताय करपाक सांगलें.

कार्यक्रमाचे मुखेल उलोवपी अवयव दान आनी अवयव रोंपण क्षेत्रांत काम करपी मोहन फांऊडेशन ह्या संस्थेचे श्री. गाब्रियल पेरेरा हांणी अवयव दानाविशीं जागृताय करपाची ताकतीकेन गरज आशिल्ल्याचें सांगलें. तशेंच तांणी अवयव दाना बाबतीत समाजामदी आशिल्लो गैरसमज पयस करपाची गरज उक्तायली. अवयव दान हे मानवतेची सेवा आसून ह्या सेवेतल्यान अवयव निकामी जाल्ल्या दुयेंतींक दुसरी जीण मेळटा, अशें तांणी सांगलें.

कार्यक्रमाक विधिमंडळ खात्याच्यो सचिव श्रीमती नम्रता उल्मन, जोड सचिव मोहन गावकार, सभापतीचे खाजगी सचिव अनंत शिरवयकर, तेजा गावकर आनी हेर अधिकारी उपस्थित आशिल्लें.

म्हा /सप/ / विगां/ 2026/419