वास्कोत उध्या महत्त्वाच्या विकास प्रकल्पांचे उद्घाटन आणि पायाभरणी होणार

५ मे २०२६

गोवा सरकार ६ मे २०२६ रोजी महत्त्वाच्या विकास प्रकल्पांचे उद्घाटन आणि पायाभरणी करणार असल्याने वास्कोमध्ये पायाभूत सुविधांना मोठी चालना मिळणार आहे. हा कार्यक्रम वास्को येथील साग मैदानावर संध्या ५:०० वाजल्यापासून सुरू होईल. या उपक्रमांचा उद्देश म्हणजे शहरी पायाभूत सुविधा वाढविणे, संपर्क व्यवस्था सुधारणे आणि या भागातील क्रीडा व मनोरंजनाच्या सुविधा अधिक मजबूत करणे हा आहे.

या कार्यक्रमात वास्को येथील रेल्वे अंडरब्रिजचे उद्घाटन केले जाईल, जो दीर्घकाळापासूनच्या कनेक्टिव्हिटीच्या समस्या सोडविण्यासाठी आणि आपत्कालीन सेवांसह वाहतुकीची सुरळीत हालचाल सुलभ करण्यासाठी अद्ययावत करण्यात आला आहे. या सुधारित अंडरब्रिजमुळे वाहतूक कोंडी कमी होण्याची अपेक्षा आहे.

याव्यतिरिक्त, आधुनिक क्रीडा पायाभूत सुविधा आणि सामुदायिक जागा निर्माण करण्याच्या उद्देशाने एकात्मिक क्रीडा, मनोरंजन आणि व्यावसायिक विकास प्रकल्पाची पायाभरणी केली जाईल. या प्रकल्पामध्ये इनडोअर स्पोर्ट्स हॉल, व्हॉलीबॉल कोर्ट, जॉगिंग ट्रॅक, व्यायामशाळा आणि व्यावसायिक जागा यांसारख्या सुविधांचा समावेश आहे, ज्यामुळे फिटनेस, सामुदायिक सहभाग आणि स्थानिक आर्थिक वाढीस प्रोत्साहन मिळेल.

या कार्यक्रमात मुरगांव नगरपालिकेसाठी नवीन नगरपालिका व्यावसायिक संकुलाचीही पायाभरणी करण्यात येईल. त्यासाठी अंदाजे ८.३५ कोटी रुपये निविदा खर्च अपेक्षित आहे. या प्रकल्पामध्ये व्यावसायिक दुकाने, कार्यालयांसाठी जागा, पार्किंग सुविधा आणि स्थानिक व्यावसायिक घडामोडी व शहरी विकासाला चालना देण्यासाठी आवश्यक पायाभूत सुविधांचा समावेश असेल.

हे उपक्रम वास्को आणि आसपासच्या परिसरातील पायाभूत सुविधा बळकट करणे, क्रीडा आणि निरोगी जीवनशैलीला प्रोत्साहन देणे, तसेच शाश्वत शहरी विकासाला सहकार्य देण्यावर सरकारचा भर आहे.

मुख्यमंत्री डॉ.प्रमोद सावंत यांच्या उपस्थितीत हा कार्यक्रम होणार आहे. यावेळी श्री विश्वजित राणे, श्री रमेश तवडकर, श्री माविन गुदिन्हो, श्री सदानंद शेट तानावडे, आमदार श्रीकृष्ण व्ही. साळकर, श्री संकल्प पी. आमोणकर, मुरगांवचे नगराध्यक्ष श्री. गिरीश ए. बोरकर, श्री संतोष जी. सुखदेव, आयएएस आणि डॉ. अजय आर. गावडे व इतर मान्यवर उपस्थित राहतील.

मा/वाप/अहे/एपी/रना/२०२६/२९५