लोकसभेचे सभापती श्री ओम बिर्ला हांचे हस्तुकीं राष्ट्रकुल संसदीय परिशदेचे उक्तावण

ता. 9 एप्रिल 2026

लोकसभेचे सभापती श्री ओम बिर्ला हांणी सांगलें की, संवसार संसदीय लोकशायीक सर्वोत्तम शासन वेवस्था म्हूण मान्यताय दिता आनी विकसीत भारताचे ध्येय साध्य करपाची व्हड जापसालदारकी तरणाट्या लोकप्रतिनिधींचेर आसा.

आयज मिरामार पणजी हांगा आयोजीत कॉमनवेल्थ पार्लमेंटरी असोसिएशन (सीपीए), भारत विभाग, झोन-७ (अस्तंत विभाग) परिशदेचे उक्तावण केले उपरांत श्री ओम बिर्ला उलयताले.

ह्या वेळार उपस्थितांमदी गोंयचे मुख्यमंत्री डॉ. प्रमोद सावंत, राज्यसभेचे उपसभापती श्री हरिवंश नारायण सिंह, महाराष्ट्र विधानसभेचे सभापती ॲड. राहुल नार्वेकर, महाराष्ट्र विधान परिशदेचे अध्यक्ष प्रा. राम शिंदे, गोंय विधानसभेचे सभापती डॉ. गणेश गावकर आनी उपसभापती श्री जोशुआ डिसूझा हांचो आस्पाव आशिल्लो.

सुरवातीक गोंय विधानसभेचे सभापती डॉ. गणेश गावकर हांणी मानेस्तांक कुणबी शाल घालून व्यासपीठार येवकार दिलो.

गोंयाविशीं उलयतना लोकसभेचे सभापती श्री ओम बिर्ला हांणी सांगलें की, गोंय ही पर्यटन, कला, संस्कृती आनी ऊर्जेची भूंय आसा. तांणी तरणाट्या आमदारांच्या प्रयत्नांची तोखणाय करून भारताची लोकशाय वेवस्था सांबाळून दवरपा खातीर सक्रिय आमदार आनी युवकांचो सहभाग चड आवश्यक आशिल्ल्याचें सांगलें.

एआय तंत्रज्ञानाचेर उलयतना लोकसभा सभापतीन सांगलें की, आयज कृत्रिम बुद्धिमत्ता आनी तंत्रज्ञानाचे युग आसा, पुण त्याच वांगडा मानवी संवेदनशीलताय तितकीच म्हत्त्वाची आसा. विकसित भारताच्या उभारणीत कायदेमंडळाची भूमिका म्हत्त्वाची आसा. लोकांनी निवडून दिल्ल्या आपल्या लोकप्रतिनिधींकडल्यान व्हड अपेक्षा आकांक्षा आसतात, अशेंय तांणी सांगलें.

श्री. बिर्ला हांणी दर्या देगेच्या राज्यांनी आपल्या वाठारांच्या उदरगती खातीर एकवटान आनी एकामेकाच्या सहकार्यान प्रयत्न करपाचे आवाहन तांणी केले. दर्या देगेकडल्या राज्यांनी आपल्या आव्हानांक संदीत बदल करपाक जाय. प्रधानमंत्री नरेंद्र मोदी हांणी गुजराताचे मुख्यमंत्री आसतना हे दाखोवन दिला, अशें तांणी सांगलें.

सभापतीन संवसार संसदीय लोकशायीक सर्वोत्तम शासन वेवस्था म्हूण मान्यताय दिता म्हणपाचे परत उल्लेख करून सर्वोत्तम विधानसभा जावपा खातीर विविध राज्यांच्या विधिमंडळांमदी सर्त आसपाक जाय, अशें सांगलें.

मुख्यमंत्री डॉ. प्रमोद सावंत हांणी वेपार, पर्यटन कॉरिडॉर, शारी साधन सुविधा आनी दर्यादेग वेवस्थापनाक प्रोत्साहन दिवपा खातीर गोंय, महाराष्ट्र आनी गुजरात राज्यान एकवटान काम करपाची गरज व्यक्त केली. मुख्यमंत्र्यांन ह्या वेळार उपस्थित प्रतिनिधींक राज्य सरकाराच्या चाळीस खात्यावतीन लोकांच्या कल्याणाखातीर अंमलबजावणी करपात येवपी 240 परस चड येवजण्योआनी सेवांची म्हायती दिली.

‘विकासीत भारता’च्या संकल्पनेचेर उजवाड घालतना मुख्यमंत्र्यान सांगलें, ‘विकसीत भारत 2047 चे उद्दीश्ट साध्य करपा खातीर सरकार योग्य दिकेन पावल मारता. हे उद्दीश्ट साकार करपा खातीर देशभरांतल्यान आनी खास करून तरणाट्यांची शक्त, सर्जनशीलता आनी समर्पण आवश्यक आशिल्ल्याचें सांगलें. मुख्यमंत्री फुडें सांगलें की, प्रधानमंत्र्यानी नारी शक्ती, किसान शक्ती आनी गरीब कल्याणाचेर भर दिला, अशें सांगलें.

तरुण आमदारांनी ज्येश्ट वांगड्या कडल्यान मार्गदर्शन घेवन खास करून युवकांक लोकशायीचेर विश्वास दवरपाक आनी तातूंत वाटेकार जावपाक प्रवृत्त करपाक जाय, अशेंय तांणी सांगलें.

ह्या दोन दिसांच्या परिशदेत अस्तंत भारतातल्या राज्यांच्या वरिष्ठ संसदीय फुडारी शासकीय आनी विकासाच्या मुद्यांचेर चर्चा करतले. तशेंच शासनातली सर्वोत्तम कायदेशीर वेवस्था आनी समकालीन आव्हानांचेर देवाणघेवाण करपाची संद मेळटली. परिशदेच्या दुसऱ्या सत्रात, “2047 मेरेन विकसीत भारताचे उद्दिश्ट साध्य करपात तरुण लोकप्रतिनिधींची भूमिका” आनी “वेपार, पर्यटन, शारीकरण, पर्यावरण आनी दर्यादेग वाठार विकासाचेर चर्चा जातली.

म्हा /सप/ / विगां/ 2026/237