राज्यांत 1 ऑक्टोबराक चक्रीवादळ आनी आपत्ती वेवस्थापनाचो सराव

ता. 28 सप्टेंबर 2026

आंतरराज्यांमदी समन्वय, आपत्कालीन प्रतिसाद आनी कार्यान्वयन वेवस्थापनाची तयारी मजबूत करपाच्या उद्देशान उत्तर गोंय, दक्षीण गोंय आनी कुशावती जिल्हा आपत्ती वेवस्थापन यंत्रणेन राष्ट्रीय आपत्ती वेवस्थापन यंत्रणेच्या जोड पालवान तारीख 1 ऑक्टोबर 2026 दिसा गोंय राज्यासयत महाराष्ट्र आनी कर्नाटकातल्या गोंयांक लागून आशिल्ल्या दर्यादेग जिल्ह्यांतल्या सुवातांचेर चक्रीवादळ आनी चक्रीवादळाक लागून जावपी आपत्तीं वेवस्थापनाचेर बहुराज्यीय प्रात्यक्षिक सरावाचे आयोजन केला.

हो प्रात्यक्षिक सराव गोंय, कर्नाटक आनी महाराष्ट्र राज्यांतल्या 24 सुवातांचेर जातलो. दक्षीण गोंयांत मुरगांव पोर्ट प्राधिकरण, मुरगांव, फोंडा शिक्षण संस्थेचे राजाराम आनी ताराबाय बांदेकर फार्मासी म्हाविद्यालय, फर्मागुडी, मार्कसन फार्मा ली., वेर्णा उद्देगीक वसणूक आनी कुशावती जिल्ह्यांत सरकारी उच्च माध्यमिक विद्यालय रस्तो, खैरीखाटे सांगे, दावकोण पुल, धारबांदोडा, अमित नाईक पेट्रोल पंप, केपे आनी पाळोले बीच, काणकोण हांगा मॉक सराव जातलो.

मॉक सरावा वेळार आपत्ती वेवस्थापन यंत्रणांकडल्यान धोक्याच्यो सुचोवण्यो, संदेश आनी सायरनाच्या आवाजा वरवीं सुचोवण्यो दिवपाचो सराव करपात येतलो, पुण अशें संदेश वा आवाज आयकुन लोकांनी काचाबूल जावचे न्हय. हो सरावाचो भाग आसतलो.

म्हा /सप/ / विगां/ 2026/653