म्हजे घर येवजणे खाला फाल्या मडगांवच्या रविंद्र भवनात मेगा शिबीराचे आयोजन

ता. 3 जून 2026

दक्षीण गोंय आनी कुशावती जिल्हो प्रशासनान फाल्या तारीख 4 जून 2026 दिसा मडगांवच्या रविंद्र भवनात म्हजे घर येवजणे खाला मेगा शिबीराचे आयोजन केला. शिबीरात म्हजे घर येवजणे खाला अर्ज केल्ल्या अर्जदारांक आवश्यक मजत करून अर्ज मंजूर करून घेवपाक आदार करतले. येवजणे खाला अर्ज केल्ल्या लोकांनी आवश्यक दाखल्यांसयत शिबीराक हजर रावन आपले अर्ज मंजूर करून घेवचे. शिबीरात वयल्या जिल्ह्यांतल्या प्रत्येक तालुक्या खातीर वेगवेगळो कांवटर/विभाग आसतलो. साश्ट, फोंडा, मुरगांव, केपे, सांगे, धारबादोडा आनी काणकोण तालुक्यांचे उपजिल्होधिकारी/मामलेदार आनी हेर संबंदीत अधिकारी उपस्थित आसतले.

हे शिबीर खास करून प्रलंबीत आशिल्ले अर्ज निकालात काडपा खातीर आयोजीत केला. उपरांत सुमार 11.30 वराचेर मुख्यमंत्री डॉ. प्रमोद सावंत हांच्या हस्तुकीं येवजणेच्या पात्र लावधारकांक सनद आनी प्रमाणपत्रांचे वाटप करपात येतले.

म्हा /सप/ / विगां/ 2026/393