मोदी सरकाराच्या 12 वर्सांच्या प्रगती वयल्या प्रदर्शनाचें उक्तावण

ता. 16 जून 2026

उदकास्त्रोत मंत्री श्री. सुभाष शिरोडकर हांणी आयज मडगांवच्या कदंब येरादारी म्हामंडळाच्या बसस्थानकार प्रधानमंत्री श्री. नरेंद्र मोदी हांच्या फुडारपणा खाला केंद्र सरकारान फाटल्या 12 वर्सांच्या काळांत केल्ल्या प्रगतीचेर उजवाड घालपी प्रदर्शनाचें उक्तावण केले.

12 वर्सां विश्वासाची, विकासाची, जन-कल्याणाची ह्या संकल्पनेखाला आयोजीत केल्ल्या प्रदर्शनात जनकल्याण, समाजीक उदरगत आनी साधनसुविधां, डिजिटल आनी अर्थिक विकासाचेर उजवाड घालपी प्रदर्शन 18 जून मेरेन लोकांखातीर उकते आसतले.

ह्या वेळार उलयतना उदकास्त्रोत मंत्री श्री. सुभाष शिरोडकर हांणी हे प्रदर्शन प्रधानमंत्री श्री. नरेंद्र मोदी हांच्या फुडारपणा खाला केंद्र सरकारान फाटल्या 12 वर्सांच्या काळांत केल्ल्या प्रगतीचेर उजवाड घालपा वांगडाच लोकांक कल्याणकारी येवजणांचो लाव घेवपाक आनी समाज कल्याणाच्या वावरात सहभागी जावपाक प्रेरणा दितले, अशें सांगलें.

नावेली मतदारसंघाचे आमदार श्री. उल्हास तुयेंकर, श्री. दामू नाईक, खादी आनी ग्रामोद्दोग मंडळाचे उपाध्यक्ष सर्वानंद भगत आनी हेर मानेस्त ह्या वेळार उपस्थित आशिल्लें.
म्हा /सप/ / विगां/ 2026/415