मुख्यमंत्र्या हस्तुकीं उजो पालोवपी दळाच्या अत्याधुनिक वाहनांचे लोकार्पण

ता. 4 ऑगस्ट 2026

मुख्यमंत्री डॉ. प्रमोद सावंत हांणी आयज सांतिनेज पणजी हांगाच्या अग्निशमन आनी आपत्कालीन सेवा संचालनालयाच्या मुख्यालयांत उजो पालोवपी दळाच्या सेवेत नव्यान दाखल केल्ल्या अत्याधुनिक अग्निशमन वाहनांच्या ताफ्याक हिरवो बावटो दाखोवन वाहनांचे लोकार्पण केले. राज्याच्या अग्निसुरक्षा पायाभूत सुविधानी वाड करप, आपत्ती वेवस्थापन सुदारप आनी पुराय गोंयांत जलद, तंत्रज्ञान-आदारीत आपत्कालीन सेवा दिवपाच्या दिकेन हे म्हत्वाचे पावल आसा.

राज्याच्या आपत्कालीन सेवेत म्हत्वाची सुधारणा करपी ह्या नवीन वाहनांच्या ताफ्यात आठ मध्यम आकाराचे उदकाचे टेंडर्स, एक 42-मीटराची टर्न टेबल शिडी, एक धोकादायक पदार्थ (हॅझमॅट) हाताळपाक वाहन आनी आठ ऑपरेशनल सपोर्ट मोटरसायकलींचो आस्पाव आसा. केंद्र सरकारच्या 15 व्या वित्त आयोगाच्या येवजणे खाला सुमार 5.43 कोटी रुपया खर्च करून पाच उदकाचे टेंडर्स खरेदी केल्यात. जाल्यार नादुरुस्त अग्निशमन वाहनांच्या सुवातेर नवीन वाहनां हाडपा खातीर राज्य सरकारच्या निधीतल्यान सुमार 4.49 कोटी रुपया खर्च करून आनीक तीन उदकाचे टेंडर्स खरेदी केल्यात. अग्निशमन दळाच्या सेवेत ह्या आधुनिक वाहनांचो आस्पाव जाल्ल्यान राज्यांत अग्निशमन, बचाव, आपत्ती वेवस्थापन आनी हेर सेवानी सुदारणा जावपाक मजत जातली.

ह्या वेळार उलयतना मुख्यमंत्री डॉ. प्रमोद सावंत हांणी प्रत्येक नागरिकाची सुरक्षा आनी जीवित तशेंच मालमत्तेचे संरक्षण हे सरकारचे सर्वोच्च प्राधान्य आशिल्ल्याचे सांगलें. ह्या आधुनिक अग्निशमन यंत्रणांची आपत्कालीन सेवेची तांक वाडोवपाक आनी आपत्तीच्या वेळार जलद, अदीक प्रभावी सेवा दिवपाक मजत जातली. तांणी 15 व्या वित्त आयोगा खाला मजत दिल्ले खातीर केंद्र सरकारचे उपकार मानले आनी अग्निशमन आनी आपत्कालीन सेवेतल्या अधिकारी आनी कर्मचाऱ्यांच्या समर्पित आनी निःस्वार्थ सेवेची तोखणाय केली.

राज्यभरात अग्निशमन आनी आपत्कालीन सेवा मजबूत करपा खातीर फुडारात काणकोण, कुडचडे, वास्को, पिळर्ण, पेडणे, मडगांव आनी फोंडा अग्निशमन दळांक आधुनिक वाहनां आनी यंत्रणां उपलब्ध करपात येतली, अशेंय तांणी सांगलें.

कार्यक्रमाक अग्निशमन आनी आपत्कालीन सेवा संचालक श्री नितीन रायकर आनी हेर अधिकारी उपस्थित आशिल्लें.

म्हा /सप/ / विगां/ 2026/519