मुख्यमंत्र्यांच्या हस्तुकीं जी-फूड महोत्सवाचें उक्तावण

जी-अन्न महोत्सव गोंयच्या खाद्यसंस्कृतीची वळख, संधी आनी महिला सक्षमीकरणाचे प्रतीक- मुख्यमंत्री

ता. 17 एप्रिल 2026

ग्रामीण उदरगत संचालनालयाच्या गोंय राज्य ग्रामीण उपजीविका मिशना खाला आयज लोक भवनाच्या झुवारी हॉलांत आयोजीत जी-फूड फेस्टिव्हलाचे उक्तावण मुख्यमंत्री डॉ. प्रमोद सावंत हांच्या हस्तुकीं जालें. गोंयच्या पारंपरिक खाद्यसंस्कृतीक प्रोत्साहन दिवप, तशेंच आपमजत गटांखातीर संरचित बाजारपेठ निर्माण करप आनी तांचो वेवसायिक नेटवर्काकडेन संपर्क मजबूत करप हो ह्या महोत्सवाचो मुखेल उद्देश आसा.

ह्या वेळार उलयतना मुख्यमंत्री डॉ. प्रमोद सावंत हांणी हो उत्सव न्हय फकत खाद्यपदार्थां पुरतो मर्यादीत नासून तो गोंयच्या खाद्यसंस्कृतीची वळख, संधी आनी महिला सक्षमीकरणाचे प्रतीक आसा, अशें सांगून गोंयच्यो महिला अन्न प्रक्रिया, खाणांजेवणां, कृशी, हस्तकला आनी लघु उद्देगांनी सक्रियपणान वावरतनाच ग्रामीण अर्थवेवस्था मजबूत करपात म्हत्वाची भूमिका निभावतात, अशें सांगलें.

तांणी फुडें नमूद केले की, मुख्यमंत्री अन्नपूर्णा येवजणे अंतर्गत बायलांच्या फुडारपणा खाला बचत गट यशस्वीपणान कॅन्टीन चलयतात आनी अर्थिक येणावळीचे साधन निर्माण करतात. हो महोत्सव उत्पादक आनी हॉटेल, रेस्टॉरंट तशेंच किरकोळ विक्रेत्यां सयत खरेदीदार हांच्यामदी थेट संवाद साधपा खातीर एक व्यासपीठ उपलब्ध करून दिता. तांणी आदरातिथ्य क्षेत्रांतल्या आनी हेर वेवसायिकांक बचत गटांवांगडा सहकार्य करून थळाव्या उत्पादनांक प्रोत्साहन दिवपाचे आवाहन केले.

जी-फूड फेस्टिव्हल हे ग्रामीण उपजीविका बळकट करपाच्या, महिला-फुडारपणा खालच्या उद्देगांक सक्षम करपाच्या आनी गोंयच्या उत्पादनांक राष्ट्रीय आनी जागतिक बाजारपेठेत स्थान मेळोवन दिवपाच्या दिकेन उबारिल्लें एक म्हत्त्वपूर्ण पावल आसा. ह्या महोत्सवात गोंयची जीआय-टॅग आशिल्ली गोंयची फेणी, काजू, मानकुराद आंबो, बेबिंका आनी हेर उत्पादनां प्रदर्शित केल्ली.

कार्यक्रमाक आमदार डॉ. देविया राणे, अनिवासी भारतीय आयुक्त श्री नरेंद्र सावईकर, जीसीसीआय संचालक श्री संजय आमोणकर, दक्षीण गोंय डीआरडीए प्रकल्प संचालक श्रीमती दीपाली नाईक, उत्तर गोंय डीआरडीए प्रकल्प संचालक संगम पाटील आनी हेर अधिकारी उपस्थित आशिल्लें.

म्हा /सप/ / विगां/ 2026/260