भारतरत्न डॉ. बाबासाहेब आंबेडकर यांची जयंती साजरी

“शिक्षणाच्या माध्यमातून मागासलेल्या वर्गांना सक्षम करणे हे आमचे सर्वोच्च प्राधान्य- मुख्यमंत्री डॉ. प्रमोद सावंत

१४ एप्रिल २०२६

भारतरत्न डॉ. बाबासाहेब आंबेडकर यांची १३५ वी जयंती पणजी येथील डॉ. आंबेडकर पार्कमध्ये साजरी करण्यात आली. हा कार्यक्रम गोवा सरकारने समाजकल्याण संचालनालय आणि गोवा राज्य अनुसूचित जाती व इतर मागासवर्गीय वित्त आणि विकास महामंडळ यांच्या संयुक्त विद्यमाने आयोजित केला होता.

यावेळी बोलताना मुख्यमंत्री डॉ. प्रमोद सावंत यांनी आंबेडकर जयंतीनिमित्त शुभेच्छा दिल्या आणि डॉ. बाबासाहेब आंबेडकरांच्या संकल्पनेनुसार शिक्षण हे सक्षमीकरणाचे सर्वात शक्तिशाली साधन आहे यावर भर दिला. त्यांनी विविध योजनांच्या माध्यमातून मागासलेल्या वर्गांच्या कल्याणासाठी सरकारच्या वचनबद्धतेचा पुनरुच्चार केला. त्यांनी गुणवंत विद्यार्थ्यांना नीट आणि जी यासारख्या राष्ट्रीय स्तरावरील स्पर्धा परीक्षांना बसण्यासाठी शिष्यवृत्तीचे आश्वासन देऊन प्रोत्साहित केले. मुख्यमंत्र्यांनी नारी शक्ती अधिनियम आणि नशा मुक्त भारत व नशा मुक्त गोवा यांसारख्या मोहिमांवर प्रकाश टाकला.

मुख्यमंत्र्यांनी पर्वरी येथील आंबेडकर भवनाची आभासी पद्धतीने पायाभरणी केली आणि हा प्रकल्प एका वर्षात पूर्ण होऊन आगामी आंबेडकर जयंतीपर्यंत त्याचे उद्घाटन केले जाईल, असे सांगितले. विविध कल्याणकारी योजनांअंतर्गत १,९९९ लाभार्थ्यांना आर्थिक सहाय्य प्रदान करण्यात आले, जे सर्वसमावेशक विकासावर सरकारचा भर दर्शवते असे ते म्हणाले.

या कार्यक्रमात गुणवंत विद्यार्थ्यांचा त्यांच्या शैक्षणिक कामगिरीबद्दल सत्कार करण्यात आला.

या कार्यक्रमाला मुख्य सचिव डॉ. व्ही. कंदवेलू, आयएएस; समाजकल्याण मंत्री श्री सुभाष फळदेसाई; पेडनेचे आमदार श्री प्रवीण अर्लेकर; समाजकल्याण संचालक श्री दीपक बांदेकर; अनुसूचित जाती/जमाती आयुक्त श्री रवींद्र गावकर, सचिव, खाते प्रमुख आणि इतर मान्यवर उपस्थित होते.

मा /वाप/ दिबा/ एपी/ र ना/२०२६/ २४४