बुडून मरण येवपाच्यो घडणूको टाळपा खातीर अॅडव्हायजरी जारी
ता. 24 जुलय 2026
बुडून मरण येवपाच्यो घडणूको टाळपा खातीर गोंय राज्य आपत्ती वेवस्थापन प्राधिकरणान नागरिकांखातीर अॅडव्हायजरी जारी केल्या आनी सुरक्षा उपाय आनी काळजी घेवपाचो सल्लो दिला. उटंगाराचो पावस, पूर वा उदकाची पातळी वाडली आसतना न्हंयो, कॅनल, तळे, धरणां, कोंड, बीच, धबधबें वा हेर उदका स्त्रोतांनी न्हांवपाक, पेंवपाक वा हेर कारणां खातीर देवचें न्ह. पूरांत बुडील्लो रस्तो, पूला पोंदचो कॉजव्हे, व्हाळ वा पायवाट हुपपाचो यत्न करचो न्हय. कमी पुण नेटान व्हांवपी उदकाचो प्रवाह लेगीत धोक्याचो थारूक शकता. धोक्याच्यो सुचोवण्यो, बॅरिकेडस्, तांबडे बावटे लावन सरकारी यंत्रणां, पुलीस, आपत्ती वेवस्थापन प्राधिकरण वा थळाव्या प्रशासनान दिल्ल्या सुचोवण्यांक पाळो दिवचो. पालकांनी आपल्या भुरग्यांक उदका स्त्रोतांलागी सोडचे न्हय. पालकांनी भुरग्यांचेर सतत नदर दवरची. परवानगी वा सुरक्षा उपाय नाशिल्ल्या सुवातांचेर बोटिंग, राफ्टिंग, नुस्तेमारी, पेंवप वा उदका खेळ करपाचे टाळचे. पर्यटकांनी फकत परवानगी आनी सुरक्षा उपाय आशिल्ल्या बीच, उदका खेळ सुविधा सुवातांचेर भेट दिवची. उदकाच्या थळार सोरो पिवन वचपाचे टाळचे वा सोरो पिवचो न्हय. उटंगाराचो पावस, पूर वा उदकाची पातळी वाडली आसतना न्हंयांच्यो देगो, धरणां, धबधबें वा दर्या वाठारांत भेट टाळची. अडचणीत आसतना मजती खातीर 112 हो एमर्जन्सी नंबर डायल करचो. बचाव कार्याक नागरिकांनी सरकारी यंत्रणांक मजत करची.
म्हा /सप/ / विगां/ 2026/482