जल्म आनी मरण नोंदी आतां सीआरएस पोर्टलाचेर

ता. 2 जुलय 2026

गृह मंत्रालयाच्या भारतीय रजिस्ट्रार जनरल विभागान कळीत केला की, गोंय राज्य जल्म आनी मरण नोंदणी संबंदीत वेव्हार/कामकाजा खातीर 1 जुलय 2026 सावन सध्याच्या राज्य पोर्टला वयल्यान केंद्रीय नागरी नोंदणी प्रणाली (CRS) पोर्टलाचेर स्थलांतरीत जाता.

स्थलांतर प्रक्रिये वरवीं राज्य पोर्टलाचेर वर्स 1971 ते 30 जून 2026 मेरेन उपलब्ध आशिल्ली सध्याची जल्म आनी मरणाची म्हायती केंद्रीय सीआरएस पोर्टला कडेन जोडटले. ज्यो नोंदी केंद्रीय सीआरएस पोर्टलाचेर यशस्वी तरेन स्थापित आनी जोडून जातल्यो त्या जल्म आनी मरण नोंदीविशी संबंदीत विविध नागरिक सेवा मेळोवपा खातीर केंद्रीय सीआरएस पोर्टलाचेर उपलब्ध आसतल्यो. अशो नोंदी राज्य पोर्टलाचेर स्थगीत करतले आनी प्रमाणपत्रां आनी हेर संबंदीत सेवा फकत केंद्रीय सीआरएस पोर्टला वरवीं दिवपात येतल्यो.

सध्याचो राज्य पोर्टल फकत अशा नोंदीं खातीर जल्म आनी मरण प्रमाणपत्रां जारी करपा खातीर उपलब्ध आसतलो, ज्यो आजून मेरेन केंद्रीय सीआरएस पोर्टलाचेर घालूक ना. पुण 1 जुलय 2026 सावन राज्य पोर्टलाचेर नवीन जल्म आनी मरण नोंदणी करचे ना.

केंद्रीय सीआरएस वरवीं जारी केल्ली जल्म आनी मरण प्रमाणपत्रां, भारतीय रजिस्ट्रार जनरल (ORGI) विभागान विहित केल्ल्या आनी देशभरात लागू आशिल्ल्या एकसमान स्वरूपात आसतली. पुण ज्यो नोंदी आजून केंद्रीय सीआरएस पोर्टलाचेर प्रकाशित/स्थलांतरीत जावपाच्यो आसात तांच्या खातीर राज्य पोर्टला वरवीं जारी केल्ली प्रमाणपत्रां राज्य पोर्टलाच्या सध्याच्या फॉर्मेटातच दितले आनी ती केंद्रीय सीआरएस पोर्टला वरवीं जारी केल्ल्या प्रमाणपत्रां परस भिन्न आसूक शकतात.

म्हा /सप/ / विगां/ 2026/452