चामड्याच्यो वस्तूं तयार करपी कारागिरांक हस्तकला म्हामंळावतीन किटाचे वाटप

ता. 16 एप्रिल 2026

गोंय हस्तकला, ग्रामीण आनी लघु उद्देग उदरगत म्हामंडळान राज्यांतल्या पारंपरिक कारागिरांक सक्षम करप आनी तांची उपजीविका सुदारपाच्या उद्देशान सुरू केल्ल्या एका विशेश कल्याणकारी उपक्रमा खाला चामड्याच्यो वस्तूं तयार करपी गरजू कारागिरांक आवश्यक हत्यारां आनी सामुग्री आशिल्ल्या किटाचे वाटप केले.

म्हामंडळाचे अध्यक्ष श्री. प्रवीण आर्लेकर हांणी लाभार्थ्यांक गरजेची साधनां आनी उपकरणां आशिल्ली किट वितरित केली.

ह्या वेळार उलयतना श्री. प्रवीण आर्लेकर हांणी अशा कल्याणकारी उपक्रमांच्या अंमलबजावणी खातीर सदाच सहकार्य केल्ले खातीर राज्य सरकारचे आनी विशेश करून मुख्यमंत्र्यांचे उपकार मानले. समाजातल्या गरीब आनी गरजू घटकांक मजत करपा खातीर आपली सदाच तयारी आसता आनी चामड्याच्यो वस्तूं तयार करपी गरजू कारागिरांक हत्यारां आनी सामुग्रीच्या किटाचे केल्ले वाटप हे तांच्या अर्थिक सक्षमीकरणाच्या दिकेन मारिल्ले एक पावल आसा, अशें सांगलें.

फुडें उलयतना श्री. प्रवीण आर्लेकर हांणी आंबेडकर भवनाची पायाभरणी केल्ले खातीर मुख्यमंत्र्यांचे आभार व्यक्त केले आनी हे भवन पुर्ण जाल्या उपरांत समाजातल्या लोकांक ताचो बरो फायदो जातलो, अशें सांगलें.

संत हरलय्या समाजाचे सचीव श्री कार्तिक लोकापुरे, म्हामंडळाच्या संचालक मंडळाचे वांगडी श्री सतीश कोरगांवकर हांणीय चर्मकार कारागिरांक दर्जेदार साधनांचे वाटप केल्ले खातीर म्हामंडळाच्या अध्यक्षांचे उपकार मानून ह्या साधनांक लागून कारागिरांचे उत्पादन वाडपाक आनी काम अदीक सोपे जावपाक मजत जातली, अशें सांगलें.

म्हा /सप/ / विगां/ 2026/258