गोंय राज्य बाल हक्क संरक्षण आयोगान 24 प्रकरणां निकालांत काडली

ता. 14 जुलय  2026

गोंय राज्य बाल हक्क संरक्षण आयोगान जलद सुनावणी आनी चवकशी वरवीं  आयोगा कडेन  प्रलंबित आशिल्ली 24 प्रकरणां निकालांत काडली. नवीन आयोगान पदभार घेतलो तेन्ना 46 प्रकरणां प्रलंबित आशिल्ली. मार्च, एप्रिल आनी मे म्हयन्यांत आनीक स नवीन प्रकरणां आयोगाकडेन आयली.

आयोगा कडेन शारीरिक शिक्षा, भुरग्यांचो  ताबो, कुटुंबीक वाद, शारीरिक आनी भावनीक छळ, मानसिक छळ, भावनिक आघात, दुर्लक्ष, शिक्षणीक समस्या,  भुरग्यांचे हक्क आनी  कल्याणाचेर परिणाम करपी अशो कागाळी येतात.

शिक्षणीक संस्थांच्या वाठारांत तंबाखूजन्य पदार्थ विकपाच्या कागाळींचीय आयोग दखल घेता.

भुरग्यांक दत्तक घेवपाची प्रकरणां वेळार निकालात काडपा खातीर संबंदीत  अधिकाऱ्यांनी सहकार्य करप, सामुदायीक बाल संरक्षण यंत्रणा बळकट करप, गोंय बाल कायद्यां खाला ग्राम बाल समित्यो आनी नगरपालिका बाल समित्यांची स्थापना करून त्यो करपाची शिफारस आयोगान केल्या.

भुरग्यांवयलो  अतिरिक्त शिक्षणीक भार कमी करपाच्या उद्देशान आयोगान राष्ट्रीय शिक्षण धोरणाच्या अंमलबजावणी संबंधीत आनी जीएससीईआरटीन जारी केल्ल्या परिपत्रकातल्यान निर्माण जाल्ल्या प्रस्नांचीय आयोगान दखल घेतल्या. शाळांनी चले आनी चलयां खातीर वेगळी शौचालय़ां, उदकाची सोय,  किशोरवयीन चलयांची मासिक पाळी वेळार भलायकी, नितळसाण आनी हेर भलायकी विशींच्या गरजांची चवकशी आयोगावतीन जाता.

म्हा /सप/    / विगां/ 2026/464