गोंय राज्य जैवविवीधताय संवर्धन पुरस्कार 2025 जाहीर

ता. 20 मे 2026

गोंय राज्य जैवविवीधताय मंडळान जैवविवीधताय, पर्यावरण आनी पर्यावरण संवर्धन मळावयल्या तोखणायेच्या वावरा खातीर 2025 वर्सा खातीर गोंय राज्य जैवविवीधताय संवर्धन पुरस्कारांची घोशणा केली.

ह्या वर्सा हे पुरस्कार पाच श्रेणींत भेटयतले. सर्वोत्तम जैवविवीधताय वेवस्थापन समिती (उत्तर आनी दक्षीण गोंय) दरेकी 50,000/- रुपया, वैयक्तीक श्रेणींत उत्तर आनी दक्षीण गोंयांतल्यान दरेके एके व्यक्ती खातीर 25,000/- रूपया, जैवविवीधताय उत्साही श्रेणींत उत्तर आनी दक्षीण गोंयांतल्यान दरेकी एके व्यक्ती खातीर 15,000/- रूपया, वेव्हारीक जैवविवीधताय संशोधक श्रेणींत 25,000/- रूपया, हरित पत्रकारिता श्रेणींत 25,000/- तशेंच विशेश तोखणाय पुरस्कार श्रेणींत दरेकी 10,000/- रुपया रकमेचे पुरस्कार भेटयतले.

सर्वोत्तम जैवविवीधताय वेवस्थापन समिती श्रेणींत पार्से-पेडणे जैवविवीधताय वेवस्थापन समिती आनी नावेली जैवविवीधताय वेवस्थापन (दक्षीण गोंय) समितीक जाल्यार विशेश श्रेणींत वेर्णा बीएमसी, बार्से-केपे बीएमसी, काणा बाणावली बीएमसी आनी शिवोली सडये बीएमसी हांका पुरस्कार जाहीर जाला.

वैयक्तीक श्रेणींत डॉ. बबव इंगोले (उत्तर गोंय), श्री. दत्ता शंभू नाईक (दक्षीण गोंय)) हांका पुरस्कार जाहीर जाला.

तोखणाय श्रेणींत (वैयक्तीक) चेतन शांताराम तलवार, श्रीमती रोमाल्डिना फर्नांडिस, रोहिदास जी. कुंकळीकर, श्रीमती फ्रासिस्का गावडो आनी पांडुरंग पाटील हांका पुरस्कार जाहीर जाला.

जैवविवीधताय उत्साही श्रेणींत गजानन श्यामसुंदर शेटये, रॉक डिकॉस्ता हांका पुरस्कार जाहीर जाला.

उत्साही श्रेणींत तोखणाय पुरस्कार अलीसाब शेख (रान खाते), श्री. फ्रासिस्को फर्नांडिस (पेले), श्री. जुवांव सौझा मर्गुलाव हांका जाहीर जाला.

तोखणाय जैवविवीधताय संशोधक श्रेणींत प्रो. (डॉ) बर्नाड फेलिनोव्ह रॉड्रिग्स, डॉ. सुजाता दाबोलकर आनी डॉ. सुहास शेटये हांका पुरस्कार जाहीर जाला.

हरित पत्रकारिता श्रेणींत सिनियर जर्नलिस्ट गौरी मोहनदास शेणवी मळकर्णेकर, प्रसाद रवींद्र सावंत, गुरप्रित सिंग आनी श्रीमती निदा सयद हांका पुरस्कार जाहीर जाला.

विशेश तोखणायेच्या वावरा खातीर रूपेश कळंगुटकर (सचीव, विर्नोडा बीएमसी), गुरूनाथ केरकर ( सचीव, केरी- सत्तरी बीएमसी), शुभम भर्तू (बीडीओ, पेडणे), मेजल फर्नांडिस (अध्यक्ष, भाटी बीएमसी), शिरीष पै (श्रीस्थळ बीएमसी), राजेंद्र सावंत (सचीव, डोंगुर्ली ठणे), श्रीमती विधी गांवकर (अध्यक्ष, कावरे पिर्ला बीएमसी), श्रीमती नमीता विजयप्रसाद हजारे (सचीव, शिरोडा बीएमसी), रजत नार्वेकर ( सचीव, केरी फोंडा, बीएमसी), क्रिसेल आफोन्स (अध्यक्ष, बेताळभाटी बीएमसी), अमरनाथ गोवेकर (पिळर्ण बीएमसी), श्रीमती शर्मिला वळवयकर (पिळगांव बीएमसी) हांका जाहीर जाला.

जैवविवीधताय क्षेत्रातल्या योगदाना खातीर विशेश सन्मान (प्रमाणपत्र आनी स्मृतिचिन्ह) जयराम गावकर, अल्केश मिस्त्री, संजय होंडकर, विनय गावस, विसाल रावळे, विशांत बांदेकर, विश्वनाथ गावस (जेडएओ), निलेश शांबा परवार (जेडपी, केरी), मुग्धा शिरोडकर हांका जाहीर जाला.

22 मे दिसा संवसारीक जैवविवीधताय दिसा गोंय राज्य जैवविवीधताय मंडळान लोक भवन, दोनापावला हांगा आयोजीत कार्यक्रमात पुरस्कार भेटयतले.

म्हा /सप/ / विगां/ 2026/345