गोंयांत घरांच्या जनगणनेचो पयलो पांवडो पुर्ण
ता. 18 मे 2026
गोंय राज्यांत घरांच्या जनगणनेचो पयलो पांवडो यशस्वीरित्या पुराय जाला. 16 एप्रिल ते 15 मे 2026 मेरेन मोबायल अॅप डिजिटल प्लॅटफॉर्माचो वारप करून घरांच्या जनगणनेचो पयलो पांवडो चलतालो.
पयल्या पांवड्यार घरांच्या जनगणने खातीर 3000 प्रशिक्षीत कर्मचाऱ्यांची नेमणूक केल्ली. घराचे बांदकाम, रचना, सुवात, घराचो मुखेली आनी ताचे लींग, घरांत आशिल्ल्यो उदक, लायट, नितळसाण, रांदपाची सुविधा, इंधन, मालमत्तेची मालकी, डिजिटल सुविधा, वाहन अशां सुविधांची म्हायती एकटाय केली. ह्या जनगणनेच्या वावराक लोकांनी सहकार्य केल्ले खातीर जनगणना संचालनालयान लोकांचे तशेंच जनगणना करपी कर्मचाऱ्यांचे आनी थळाव्या संस्थांचे उपकार मानल्यात.
जनगणनेच्या पयल्या पांवड्यार एकटाय केल्ली म्हायती नियोजन, प्रशासन, साधनसुविधांचो विकास आनी कल्याणकारी येवजणांची अंमलबजावणी करपाक उपेगी थारतली. जनगणनेच्या दुसऱ्या पांवड्यार लोकसंख्येची जनगणना जातली आनी ताची तयारी सुरू आसा.
म्हा /सप/ / विगां/ 2026/336