कला आनी संस्कृती संचालनालयान आयोजीत रील मेकिंग सर्तीचो निकाल जाहीर

ता. 4 जून 2026

वंदे मातरम् राष्ट्रीय गीताचें 150 वें वर्स मनोवपाच्या कार्यावळीचो भाग म्हूण कला आनी संस्कृती संचालनालयान आयोजीत केल्ल्या रील मेकिंग सर्तीचो निकाल जाहीर केला.

18 वर्सां वयल्या पिरायेच्या गटात श्रीमती हस्ती गुज्जर हांका 10,000/- रूपयांचे पयले इनाम, श्री. विठोबा गुरव हांका 7,000/- रूपयांचे दुसरे इनाम आनी श्री. उमेश खोलकर हांका 5,000/- रूपयांचे तीसरे इनाम फावो जाला.

18 वर्सां सकयल्या पिरायेच्या गटात युती सावर्डेकर हांका 10,000/- रूपयांचे पयले इनाम, साईश्री हांका 7,000/- रूपयांचे दुसरे इनाम आनी मा. अथर्व नार्वेकर हांका 5,000/- रूपयांचे तीसरे इनाम फावो जाला.

देशभक्ती, राष्ट्रीय एकजूट, सांस्कृतीक दायज आनी वंदे मातरम् राष्ट्रीय गीताचो संदेश आनी प्रेरणा दिवपाच्या उद्देशान आयोजीत केल्ल्या रील तयार करपाच्या सर्तीक उपाट प्रतिसाद मेळ्ळो. सर्तीच्या जैतिवंताक इनामां भेटोवपाच्या कार्यक्रमा विशीं उपरांत कळयतले.

म्हा /सप/ / विगां/ 2026/396