कला आनी संस्कृती संचालनालया वतीन व्यंगचित्र कार्यशाळेचें आयोजन

ता. 24 एप्रिल 2026

कला आनी संस्कृती संचालनालयान नामनेचे व्यंगचित्रकार सर्गेस्त मारियो मिरांडा हांच्या जल्म शताब्दी वर्सांच्या कार्यक्रमाचो एक भाग म्हूण व्यंगचित्र प्रात्यक्षिक तथा कार्यशाळेचें आयोजन केला. तीन दिसांची कार्यशाळा 28 ते 30 एप्रिल 2026 मेरेन दनपारां 2.30 ते सांजेची 5.30 वरा मजगती संस्कृती भवन, पणजी पाटो हांगा आयोजीत करतले. चित्रकलेची आवड आशिल्लें विद्यार्थ्यीं आनी हौशी कलाकारांक व्यंगचित्र कला शिकपाची संद मेळटली.

व्यंगचित्र प्रात्यक्षिक तथा कार्यशाळेत कला विद्यार्थ्यी/हौशी कलाकांर आनी 12 वर्सां पिराये वयली भुरगीं वाटो घेवपाक शकतली. कार्यशाळे खातीर लागपी साहित्य खात्यावतीन दितले. कार्यशाळेत वाटो घेवपाक इत्सुक आशिल्लें कला विद्यार्थ्यी/हौशी कलाकांर आनी भुरग्यांनी पुराय भरिल्लो अर्ज 27 एप्रिल मेरेन कला आनी संस्कृती संचालनालय, संस्कृती भवन, पणजी पाटो हांगा सादर करचो वा : aco6-dac.goa@nic.in. चेर ई-मेल करचो.

अर्ज :www.artandculture.goa.gov.in. ह्या वेबसायटीचेर उपलब्ध आसा. पयली येवप्याक पयली ह्या तत्वाचेर कार्यशाळेक प्रवेश दितले.

म्हा /सप/ / विगां/ 2026/285