उत्तर गोंयांत रस्ते खणपाक बंदी

ता. 27 मे 2026

उत्तर गोंय जिल्हाधिकाऱ्यान एनएच-66 चो जुवारी पूल ते मेरशी जंक्शन, जीएमसी बांबोळी, गोंय विद्यापीठ, एनआयओ सर्कल ते लोक भवन, दोनापावला आनी दोनापावला, मिरामार ते दिवजा सर्कला मेरेनचो खंयचोय रस्तो वा रस्त्याचो भाग लेखी परवानगी घेतली बगर खंयचीय व्यक्ती, एजन्सी वा संघटनेक खणपाक बंदी लागू केल्या.

उदका पुरवण, सिव्हेज, लायटीचे कनेक्शन आनी हेर ताकतिकेच्या कामा खातीर रस्तो खणपा खातीरचो अर्ज वा विनवणी विशी संबंदीत खात्यान निर्णय घेवन शिफारस आनी समर्थन अहवाला सयत फुडल्या कार्यवाये खातीर जिल्हा न्यायदंडाधिकार्याक धाडपाक जाय.

ह्या आदेशाचे उल्लंघन करप्यांआड भारतीय न्याय संहिता कायद्या खाला कारवाय जातली. हो आदेश 29 मे 2026 दिसा लागू जातलो आनी 30 मे 2026 दिसा सांजेच्या 5.00 वरा मेरेन लागू उरतलो.

म्हा /सप/ / विगां/ 2026/372