आग्वाद सॅण्डबार उदका मार्गातल्यान येरादारी करपाक 22 ते 25 मे परवानगी

ता. 21 मे  2026

कॅप्टन ऑफ पोर्ट्स खात्यान आग्वाद सॅण्डबार 21 मे ते 15 सप्टेंबर 2026 मेरेन नाविकांक बंद करपाचो आदेश हे पयली जारी केल्लो आनी तशी सुचोवणी नाविकांक दिल्ली, पुण आता कॅप्टन ऑफ पोर्ट्स खात्यान कळीत केला की, आग्वाद सॅण्डबार उदका मार्गातल्यान 22 मे ते 25 मे 2026 दिसा रातची 8.00 वरा मेरेन येरादारी करपाक परवानगी आसतली, जर बोटी/बार्जीतल्या मालाचो लोड बोट/बार्जीच्या म्हालयेरादारी ताकीच्या 2/3 आसत जाल्यार. वाडीव सर्वेक्षण प्रमाणपत्र आशिल्ल्यो बोटी/बार्जिक 20 मे उपरांत आग्वाद सँड बार उदका मार्गान येरादारी करपाक मेळची आनी हो वाडीव कालावधी अशा जहाजांक लागू ना.

येरादारी करपी जहाजांकडेन योग्य विमो आनी  मुजत वाडीबगर वैध सामान्य सर्वेक्षण प्रमाणपत्र आसपाक जाय. मांडवी आनी जुवारी न्हंयांतल्यो येरादारीक सुचोवणी दिवपी खुणों (नॅव्हिगेशनल बॉयो) काडल्यात आनी त्या खातीर सगळें मालक/मास्टर/कर्मचारी/नुस्तेमारी बोटी/बार्जीनीं वयल्या न्हंय वाठारांतल्या येरादारी करतना अतिरिक्त खबरदारी घेवप  आवश्यक आसा. कसलेय तरेचो  अपघात टाळपा खातीर मांडवी पुलां सावन ते मांडवी न्हंयच्या मुखामेरेन बोटी/बार्जिक ओव्हरटेक करपाक मनाय आसा. सगळ्या नाविकांनी उदका येरादारी नेमांक कडकपणान  पाळो दिवचो आनी फेरी क्रॉसिंग सुवातांचेर फेरीबोटीं सावन पयस रावचे, अशें कॅप्टन ऑफ पोर्ट्स खात्यान कळीत केला.

म्हा /सप/    / विगां/ 2026/351