स्पीडब्रेकर घालपाचो आदेश

ता. 7 ऑगस्ट 2025

उत्तर गोंय जिल्हा न्यायदंडाधिकाऱ्यान पेडणे म्हालातल्या सावळवाडो पत्रादेवी हांगाच्या सरकारी मुळाव्या शाळेच्या गेटीसावन 5 मिटर अंतराचेर, सक्राळ हांगाच्या साई विद्यामंदीर हायस्कुलाच्या प्रवेश गेटीसावन 8 मिटर अंतराचेर आनी तोरसे हांगाच्या सरकारी मुळाव्या शाळेच्या दुरीगाच्या वणटीसावन 5 मिटर अंतराचेर, फकिरपाटो हांगाच्या सरकारी मुळाव्या शाळेच्या प्रवेश गेटीसावन 9 मिटर अंतराचेर, लंगरबाग हांगाच्या सरकारी मुळाव्या शाळेच्या दुरीगाच्या वणटीसावन 5 मिटर अंतराचेर दोनीय वटेन रस्त्याचेर स्पीडब्रेकर घालून येरादारीक सुचोवणी दिवपी तकटे लावपाचो आदेश दिला.

तशेंच वझरी हांगाच्या हिरा फार्मा वटेन वचपी रस्त्याचेर जंक्शना सावन 10 मिटर अंतराचेर, नागझर वटेन वचपी रस्त्याचेर ज्ञानदीप अकादमी हायस्कुला सावन 20 मिटर अंतराचेर आनी कासरवर्णे वटेन वचपी रस्त्याचेर पुर्वा हांगाच्या मुळाव्या शाळेच्या प्रवेश गेटीसावन 20 मिटर अंतराचेर स्पीडब्रेकर घालून येरादारीक सुचोवणी दिवपी तकटे लावपाचो आदेश दिला.

तशेंच तोरसे पंचायत वाठारांतलो म्हामार्ग ते फकिरपाटो रस्तो दोनीय वटेच्यान अवजड वाहनां खातीर ‘नो एन्ट्री’ केला.

म्हा /सप/ / विगां/ 2025/675