पणजे फेरी धक्क्याचेर चक्रीवादळ आपत्तीच्या वेळार करपाच्या उपायांचो सराव जालो

ता. 12 फेब्रुवारी  2025

उत्तर गोंय आपत्ती वेवस्थापन यंत्रणां, नॅशनल डिजास्टर रिस्पॉन्स फोर्स 5 बीएन, पुणे आनी हेर यंत्रणांच्या सहकार्यान आयज पणजे फेरी धक्क्याचेर चक्रीवादळ आनी हुंवाराच्या प्रसंगार करपाच्या आपत्ती वेवस्थापन आनी उपायांचो सराव जालो.

एनडीआरएफ जवानांनी आपत्तीच्या वेळार अडचणीत सापडिल्ल्या लोकांक वाचोवपा खातीर करपाचें उपाय, तत्काळ उपचार आनी हेर तंत्राविशींचो सराव केलो.

उपजिल्हाधिकारी श्री. सुयश खांडेपारकर, एनडीआरएफ चे उपकमांडण्ट श्री. प्रमोद कुमार, मामलेदार कौशीक देसाय, एनडीआरएफ चे  निरीक्षक विजय कुमार, अजय कुमार यादव आनी हेर सरकारी खात्यांच्या अधिकाऱ्यांनी सरावात वाटो घेतलो.

म्हा /सप/    / विगां/ 2025/139