मुख्यमंत्री वशिश्ठ गुरू पुरस्कार जाहीर पुरस्कार फाल्या शिक्षक दीस सुवाळ्यात भेटयतले

ता. 4 सप्टेंबर 2024

शिक्षण संचालनालयान शिक्षण क्षेत्रातल्या उत्कृश्ट वावराखातीर 7 शिक्षकांक मुख्यमंत्री वशिश्ठ गुरू पुरस्कार-2023-24 जाहीर केल्यात. फाल्या 5 सप्टेंबराक शिक्षक दिसानिमतान सकाळी 11.00 वरांचेर मा. दिनानाथ मंगेशकर कला मंदीर, कला अकादमी, कांपाल पणजी हांगा आयोजीत सुवाळ्यात हे पुरस्कार भेटोवपात येतले.

मुळावी शाळा वर्ग- महेश चंद्रकांत कशाळकर, सरकारी मुळावी शाळा, मोपा पेडणे, प्रतिमा प्रकाश प्रभू गांवकर, सरकारी मुळावी शाळा, महालवाडो पैगीण काणकोण, माध्यमिक शाळा वर्ग- सुधीर तुकाराम नाईक, सातेरी विद्या मंदीर, इब्राम्पूर पेडणे, ज्योती व्यंकटेश सिनारी, रमाकांत नाईक मेमोरियल सरकारी हायस्कुल, तारामाता सुर्ला, दिवचल, हायस्कुल मुख्याद्यापक वर्ग- शिरिषकुमार विनायक आमशेकर, एसएसएम स्वस्तिक विद्यालय, प्रियोळ म्हार्दोळ, उच्च माध्यमिक शिक्षक वर्ग- शिरीष श्रीरंग भिडे, वसंतराव धेंपो कला, विज्ञान आनी वाणिज्य उच्च माध्यमिक विद्यालय, कुजीरा बांबोळी आनी उच्च माध्यमिक प्राचार्य वर्ग- विठ्ठल अंकुश पार्सेकर, डॉ. आंबेडकर हायर सेकंडरी स्कुल, कोळवाळ बार्देस हांका मुख्यमंत्री वशिश्ठ गुरू पुरस्कार फावो जाला.

म्हा /सप/ / विगां/ 2024/472