गोंय विद्यापीठाच्या प्राध्यापकांक CSIR-ASPIRE खाला संशोधन अनुदान

ता. 15 जुलय 2024

गोंय विद्यापीठाच्या स्कूल ऑफ बायोलॉजिकल सायन्सेस अँड बायोटेक्नॉलॉजी विभागाच्या वनस्पतिशास्त्राच्यो सहाय्यक प्राध्यापक डॉ. सिद्धी काशिनाथ जल्मी आनी स्कूल ऑफ अर्थ, ओशन अँड ॲटमॉस्फेरिक सायन्सेस विभागाच्या मरीन मायक्रोबायोलॉजीच्यो सहाय्यक प्राध्यापक डॉ. संगीता महाबळेश्वर नाईक हांका भारत सरकारच्या CSIR- ASPIRE च्या महिला सक्षमीकरण उपक्रमा खाला प्रतिश्ठित संशोधन अनुदान फावो जाला. सगळ्या पाचय विशयांखाला भारतातल्या 300 महिला शास्त्रज्ञांमदीं तांची निवड जाल्या. डॉ. सिद्धी जल्मी हांका जीवनशास्त्र विशयात जाल्यार डॉ. संगीता नाईक ङांका इंटर/ट्रान्स डिसिप्लिनरी सायन्सेस विशयात अनुदान फावो जाला.

डॉ. सिद्धी जल्मी सध्या गोंयातल्या भाताच्या जातींच्या क्षार सोंशीकसाणीचेर अभ्यास करतात. ह्या संशोधनातल्या भाताच्या जातींची क्षार सोंशीकसाण आनी हेर गुण समजतले आनी क्षार जमीन आनी हवामानात लागवड करपाच्यो भाताच्यो जाती विकसित करपाक आनी शेती उत्पादकता सुदारपा खातीर संशोधन म्हत्वाचे थारतले. सध्या गोंयात खाजन शेत जमनीतली भात लागवड कमी जाल्ली आसा.

डॉ. संगीता हांचे सागरी वातावरणातल्या हानिकारक अल्गल ब्लूम्स (HABs) चेर संशोधन करपाचे उद्दीश्ट आसा. हे संशोधन पर्यावरणीय आनी सागरी जीवसृश्टीच्या बाबतीत म्हत्वाचे आसा. अल्गल ब्लूम्साक (HABs) लागून सागरी जीवावळीची जीण, सस्तन आनी हेर गजालीचेर परिणाम जाता.

म्हा /सप/ प्रना/ विगां/ 2024/313