आग्वाद किल्ल्याचेर गोंय क्रांती दीस मनयलो

ता. 18 जून 2023

आयज गोंय क्रांती दिसा आग्वाद किल्ल्याचेर आयोजीत कार्यक्रमात स्वातंत्र्य सैनिक श्री प्रभाकर नाईक आनी स्वातंत्र्य सैनिकांच्या नवजीवन सोसायटीच्या हेर सदस्यांनी डॉ राम मनोहर लोहिया हांच्या पुतळ्याक फुलाहांर अर्पण करून अभिवादन केले. गोंय मुक्ती चळवळीतल्या स्वातंत्र्य सैनिक आनी हुतात्म्यांच्या बलिदानाचे स्मरण करपाखातीर दर वर्सा 18 जूनाक गोंय क्रांती दीस मनयतात.

गोंयांक पोर्तुगीज राजवटीतल्यान मुक्त करपाखातीर स्वातंत्र्य सैनिक आनी हुतात्म्यांनी केल्ल्या बलिदानाचो उगडास करून श्री प्रभाकर नाईक हांणी मुक्ती चळवळीच्या इतिहासाचेर उजवाड घालतना स्वातंत्र्य सैनिक आनी हुतात्म्यांक भरपूर कश्ट आनी हाल भोगचे पडले, अशें सांगले.

ह्या वेळार स्वातंत्र्यसैनिकांच्या नवजीवन संस्थेचे सदस्य श्री अजित नार्वेकर, श्री दौलतराव राणे, श्री दशरथ नाईक आनी धीरज पेडणेकर उपस्थित आशिल्लें.

म्हा /सप/ प्रना/ विगां/ 2023/512