फोंडेच्या क्रांती मैदानाचेर गोंय क्रांती दीस मनयलो

ता. 18 जून 2023

कृशी मंत्री श्री रवी नाईक हांणी आयज फोंडेच्या क्रांती मैदानाचेर आयोजीत गोंय क्रांती दीस कार्यक्रमात उलयतना प्रत्येक नागरिकान एकवटाच्या भावनेन राज्यांतली शांतीकाय आनी जातीय सलोखो सांबाळून दवरपाचो उलो मारलो. शांतीकाय आनी जातीय सलोखो राखून दवरपा खातीर लोकांनी सहकार्यान आनी एकवटान काम करचे आनी राज्याच्या प्रगती खातीर योगदान दिवचें, अशें तांणी सांगलें.

सुरवातीक श्री नाईक हांणी क्रांती मैदानावयल्या हुतात्मा स्मारकाचेर पुष्पचक्र ओपून स्वातंत्र्य सैनिक आनी हुतात्म्यांक नमन केले.

गोंयांक परकीय राजवटीतल्यान मुक्त करपाखातीर आपल्या जीणेचो त्याग केल्ल्या ज्ञात-अज्ञात स्वातंत्र्यसैनिकांच्या उगडासाक आर्गां ओपून श्री नाईक हांणी डॉ. राम मनोहर लोहिया आनी डॉ. ज्युलियो मिनेझिस ह्या म्हान राष्ट्रवादी फुडारी आनी स्वातंत्र्य सैनिकांनी गोंय मुक्तीखातीर दिल्ल्या योगदानाचे स्मरण केले आना तांच्या त्यागाक लागून आयज आमी स्वातंत्र्याची फळां उपभोगतात अशें सांगलें.

गोंय हे भुगोलीक दिश्ट्या ल्हान राज्य आसून लेगीत राज्यान शिक्षण, संस्कृती, खेळ भलायकी अशां साबार मळार तोखणायेची उदरगत केल्या. केंद्र सरकारान गोंयच्या सर्वांगीण विकासाखातीर योगदान दिला. प्रधानमंत्री नरेंद्र मोदी हांच्या सक्षम फुडारपणाचो गोंयांक भरपूर फायदो जाता. नरेंद्र मोदी हांचो संवसारात आदर केलो वता. तांच्या फुडारपणाखाला देशाची नेटान उदरगत जाता, अशेंय तांणी सांगलें.

गराध्यक्ष श्री रितेश नाईक, कमांडिंग ऑफिसर 6 टीटीआर कर्नल जसविंदर सिंग, जिल्हा पंचायत वांगडी, सरपंच, सरकारी अधिकारी, आदले आमदार आनी स्वातंत्र्य सैनिक आनी हेर स्वातंत्र्य सैनिक, विद्यार्थीं आनी नीगरीक व्हडा संख्येने कार्यक्रमाक उपस्थित आशिल्लें.

फोंडा वाठारांतल्या विविध माध्यमीक विद्यालयांच्या विद्यार्थ्यांनी देशभक्तीपर गीतां सादर केली.

अतिरिक्त जिल्हाधिकारी श्री विशाल कुंडईकर, उपजिल्हाधिकारी श्री रघुराज ए. फळदेसाय, डीवायएसपी श्री आशिष शिरोडकर हांणी कृशी मंत्र्यांक सुवाळ्याच्या थळार येवकार दिलो.

गिरीश वेळगेकर हांणी कार्यक्रमाचे सूत्रसंचालन केले.

म्हा /सप/ प्रना/ विगां/ 2023/513