मडगांवच्या लोहिया मैदानाचेर क्रांती दीस मनयलो

ता. 18 जून 2023

मडगांवच्या इतिहासीक लोहिया मैदानाचेर आयज जाल्ल्या गोंय क्रांती दीस कार्यक्रमात केंद्रीय कुशळटाय विकास आनी इलेक्ट्रॉनिक्स राज्यमंत्री श्री. राजीव चंद्रशेखर, मुख्यमंत्री डॉ. प्रमोद सावंत, भौशीक बांदकाम मंत्री श्री. निलेश काब्राल, येरादारी मंत्री मॉविन गुदिन्हो, आमदार श्री. दिगंबर कामत, श्री. उल्हास तुयेंकर, खासदार श्री. विनय तेंडूळकर हांणी हुतात्मा स्मारकाचेर पुष्पचक्र ओपून गोंय मुक्ती चळवळीतल्या हुतात्म्यांक आर्गां ओपली.

ह्या वेळार उलयताना केंद्रीय कुशळटाय विकास राज्यमंत्री श्री राजीव चंद्रशेखर हांणी 18 जून हो गोंयच्या लोकांखातीर खास दीस आशिल्ल्याचें सांगून ह्या दिसा परकीय जुलूमशायेखाला चिड्डील्ल्या गोंयकारांची देशभक्तीची भावना उफाळून आयली आनी गोंयांत जनक्रांतीक सुरवात जाली आनी गोंय परकीय राजवटीतल्यान मुक्त जाले. आधुनिक विकसित गोंय आनी विकसित भारत निर्माण करपाखातीर सबका साथ, सबका विकास, सबका विश्वास आनी सबका प्रयास ह्या खातीर आमी स्वता समर्पित जावया, अशें तांणी फुडें म्हणलें.

मुख्यमंत्री डॉ. प्रमोद सावंत हांणी आयचो दीस इतिहासिक आसून आयज आमी ७७ वो गोंय क्रांती दिस मनयतात, अशें सांगलें. आत्मनिर्भर भारत आनी स्वयंपूर्ण गोंय 2.0 स्किलिंग, रिस्किलिंग आनी अपस्किलिंग हे आमच्या सरकारान सुरू केल्ले उपक्रम आशिल्ल्याचें तांणी म्हणलें. आमच्या सरकारान तंत्रज्ञान, विकास, संशोधन, स्टार्टअप्स, कोडिंग, रोबोटिक्स आनी हेर विविध क्षेत्रात नवीन उपक्रम आनी येवजणो सुरू केल्ल्याचेय तांणी म्हणलें.

ह्या वेळार डॉ. राम मनोहर लोहिया हांचे नातू श्री रमेशचंद्र लोहिया हांचो सत्कार केलो. डॉ. लोहिया हांच्या वयल्या माहितीपट प्रेक्षकांक दाखयलो. डॉ. लोहिया हांणी 1939 बरयिल्ल्या पुस्तकाच्या दुसऱ्या आवृत्तीचे ह्या वेळार प्रकाशन जाले.

म्हा /सप/ प्रना/ विगां/ 2023/514