म्हायती आनी प्रसिध्दी खात्यात श्रीसत्यनारायण म्हापूजा जाली

ता. 31 ऑगस्ट 2026

म्हायती आनी प्रसिध्दी खात्याची श्रावण म्हयन्यात जावपी वर्सुकीं श्रीसत्यनारायण म्हापूजा शेनवार ता. 29 ऑगस्ट 2026 दिसा भक्तीमय वातावरणात सपन्न जाली. खात्याचे कर्मचारी श्री. विष्णू गावकर आनी तांची घरकान्न श्रीमती सरिता गावकर हांणी पूजेचे यजमापद भुशयले. पुरोहित चैतन्य हांच्या मार्गदर्शनाखाला म्हापूजेचो धार्मिक विधी सपन्न जालो. उपरांत आरती, भजन आनी तिर्थप्रसादाचो कार्यक्रम जालो. खात्याचे अधिकारी आनी कर्मचाऱ्यांनी धार्मिक विधी, भजन, फुगडी आनी हेर कार्यक्रमांनी उमेदीन वाटो घेतलो.

मुख्यमंत्री डॉ. प्रमोद सावंत हांच्या सयत म्हायती आयोगाचे मुख्य म्हायती आयुक्त अरविंद कुमार एस. नायर, हेर मानेस्त, पत्रकार आनी मित्रपरिवारान म्हापुजेच्या तिर्थप्रसादाचो लाभ घेतलो. म्हायती आनी प्रसिध्दी खात्याचे संचालक श्री. अभिर हेदे हांणी मानेस्तांक येवकार दिलो.

विर्डिच्या भजनी मंडळान भजनाचो कार्यक्रम सादर केलो.

म्हा /सप/ / विगां/ 2026/605