गोंय माध्यमीक आनी उच्च माध्यमीक शिक्षण मंडळाचो फाल्या भांगरा उत्सवी वर्स कार्यक्रम

ता. 21 ऑगस्ट 2026

गोंय माध्यमीक आनी उच्च माध्यमीक शिक्षण मंडळाक 50 वर्सां पुराय जाता हे निमतान फाल्या 22 ऑगस्ट दिसा मंडळाचो भांगरा उत्सवी वर्स कार्यक्रम आयोजीत केला. कुजीरा-बांबोळी हांगाच्या मुष्टीफंड हायस्कुलच्या इंदिशिला सभाघरांत सकाळी 9.30 वराचेर कार्यक्रमाक सुरवात जातली.

कला आनी संस्कृती संचालनालयाचे संचालक श्री. विवेक नाईक हे कार्यक्रमाचे मुखेल सोयरे आसतले, जाल्यार मुष्टीफंड संस्थेचे वेवस्थापक श्री. दिलीप धारवाडकर कार्यक्रमाक मानाचे सोयरे आसतले.

भांगरा उत्सवी वर्सा निमतान मंडळा वतीन “लोक कला दर्शन” ह्या लोकनाच सादरीकरण कार्यक्रमाचे आयोजन करपात येतले. गोंयचे सांस्कृतीक दायज, पारंपरीक कला आनी लोककलेचेर गोंयच्या विविध माध्यमीक आनी उच्च माध्यमीक शाळांचे विद्यार्थीं कार्यक्रम सादर करतले.

भांगरा उत्सवी वर्स हे मंडळाच्या इतिहासातलो म्हत्वाचो खीण आसून फाटल्या पाच दशकांत मंडळान राज्यात माध्यमीक आनी उच्च माध्यमीक शिक्षणाचो दर्जो वाडोवपाक आनी परीक्षा आयोजीत करपाक म्हत्वाची भुमीका निभायल्या.

“लोक कला दर्शन” हो लोकनाच सादरीकरण कार्यक्रम न्हय फकत मंडळाच्या भांगरा उत्सवी वर्स सुवाळ्याचो कार्यक्रम, जाल्यार ह्या कार्यक्रमा वरवीं गोंयच्या समृध्द सांस्कृतीक दायजाचो सांबाळ आनी प्रसार करपाक विद्यार्थ्यांक माची मेळटली.

म्हा /सप/ / विगां/ 2026/581