ईव्हीएम आनी व्हीव्हीपॅट मशीनांची 17 ऑगस्ट सावन तपासणी

ता. 13 ऑगस्ट 2026

2027 वर्सा जावपी गोंय राज्य विधानसभा वेंचणूके खातीर ईव्हीएम आनी व्हीव्हीपॅट मशीनांची 17 ऑगस्ट सावन तपासणी सुरू करतले. भारतीय वेंचणूक आयोगाच्या मार्गदर्शक तत्वांप्रमाण मान्यताप्राप्त राजकीय पक्षांच्या प्रतिनिधींच्या उपस्थितीत मशीनांची तपासणी जातली.

उत्तर गोंयांत आल्तिन पणजी हांगा फार्मासी कॉलेजीच्या चल्यांच्या हॉस्टेल इमारतीतल्या स्ट्रॉग रूमांत 17 ते 28 ऑगस्ट मेरेन जाल्यार दक्षीण गोंयांत मडगांवच्या पोरण्या जिल्हाधिकारी इमारतीच्या पयल्या माळ्यार 17 ते 31 ऑगस्ट मेरेन ईव्हीएम आनी व्हीव्हीपॅट मशीनांची तपासणी जातली.

ईव्हीएम आनी व्हीव्हीपॅट मशीनांची तपासणी करपाच्या वेळापत्रकाविशीं सगल्या मान्यताप्राप्त राजकीय पक्षांक केला आनी ते प्रमाण राजकीय पक्षांनी तपासणी प्रक्रियेच्या वेळार उपस्थित रावपा खातीर आपल्या प्रतिनिधींची नेमणूक करची.

म्हा /सप/ / विगां/ 2026/519