पुराभिलेख खात्यावतीन मोडी-मराठी कार्यशाळेचे आयोजन

ता. 16 जुलय 2026

पुराभिलेख खात्यान मोडी लिपी शिकप्यांखातीर 20 ते 30 जुलय मेरेन धा दिसांची कार्यशाळा आयोजीत केल्या. ही कार्यशाळा एकाच वेळार दोन सुवातांचेर जातली. एक कार्यशाळा सकाळच्या सत्रांत 10.30 ते दनपारां 1.00 मेरेन संत सोहिरोबानाथ आंबिये म्हाविद्यालय, पेडणे हांगा आनी दुसरी कार्यशाळा दनपारच्या सत्रांत 2.30 ते सांजेची 5.00 वरा मेरेन गोंय विद्यापिठांत जातली.

पुण्यातले मोडी लिपी तज्ञ डॉ. श्री. गिरीष मांडके हे दोनीय कार्यशाळां खातीर मार्गदर्शक आसतले. कार्यशाळेत मोडी लिपी अक्षर वळख, स्वर आनी व्यंजन, बाराखडी, शब्दतोड आनी इतिहासीक दस्तावेज वाचपाचे प्रशिक्षण दितले. ह्या कार्यशाळे खातीर शुल्क आसचे ना. गोंयच्या मोडी लिपी अभ्यासक आनी विद्यार्थ्यांनी ह्या कार्यशाळेचो लाव घेवचो, अशें पुराभिलेख खात्याचे संचालक श्री. बालाजी शेणवी हांणी मागला.

म्हा /सप/ / विगां/ 2026/468