राज्यातल्या सरकारी आयटीआय केंद्रानी उद्देजकताय उपक्रमांची अंमलबजावणी

ता. 14 जुलय  2026

राज्यातल्या सरकारी आयटीआय केंद्रानी प्रशिक्षण घेवपी उमेदवरांक कुशळटाय प्रशिक्षणा सयत उद्देजकताय प्रशिक्षण दिवन तांकां नोकरी करपा बदला नोकऱ्यो दिवपी वेवसायिक करपा खातीर कुशळटाय विकास आनी उद्देजकताय संचालनालयान आस्पावीत उद्देजकताय विकास उपक्रमांची अंमलबाजावणी केल्या.

मुख्यमंत्री आपरोजगार येवजणे खाला संचालनालयान भारतीय उद्देजकताय विकास संस्थेच्या जोड पालवान राज्यातल्या सगळ्या 10 सरकारी आयटीआय संस्थांनी उद्देजकताय विकास उपक्रमांची अंमलबाजावणी केल्या.

ह्या उपक्रमाच्या अंमलबजावणी खातीर 48 आयटीआय प्रशिक्षकांनी अहमदाबादच्या भारतीय उद्देजकताय विकास संस्थेत प्रशिक्षण घेतला. तशेंच उद्देजकताय जागृताय कार्यक्रमात 1631 आयटीआय प्रशिक्षणार्थीक वेवसाय नियोजन, इनोव्हेशन, स्टार्टअप संदी, अर्थिक सहाय्य आनी आपरोजगार येवजण्यांचेर मार्गदर्शन केला.

दर एक प्रशिक्षीत आनी कुशळ तरणाट्याक आत्मविश्वासा सयत उद्देग-वेवसाय सुरू करपाक, रोजगार निर्माण करपाक आनी गोंयच्या अर्थिक उदरगतीक योगदान दिवपाक सशक्त करपाक सरकार बांदील आसा.

आयटीआय प्रशिक्षणार्थीक उद्देजकताय, वेवसाय नियोजन, इनोव्हेशन, स्टार्टअप, आपरोजगार, वेवसाय वेवस्थापन कुशळटाय प्रशिक्षण दिवन तांका तांचे कॅरियर घडोवपाक वा आपरोजगार सुरू करपाक प्रोत्साहन दितात.

म्हा /सप/    / विगां/ 2026/460