गोंय विधिमंडळ सचिवालया वतीन क्षमता वाड कार्यशाळेचें आयोजन

ता. 10 जुलय 2026

गोंय विधिमंडळ सचिवालयान विधिमंडळ प्रशासनातले अधिकारी आनी कर्मचाऱ्यांची कार्यक्षमता आनी वेवसायिक कुशळटाय वाडोवपाच्या उद्देशान पर्वरी हांगाच्या विधानसभा संकुलात क्षमता-वाड कार्यशाळेचें आयोजन केल्ले.

कार्यक्रमाक हरियाणा विधानसभेचे सभापती श्री हरविंदर कल्याण हांची उपस्थिती आशिल्ली. तांणी विधिमंडळ कामकाजातल्या कायदेविशयक आनी संसदीय कामकाजाच्या विविध विशयांची म्हायती दिली. तांणी आपलो अणभव सांगतना कायदेमंडळाच्या प्रभावी कामकाजा खातीर कार्यक्षमता, पारदर्शकता आनी संसदीय कार्यपद्धतींक पाळो दिवपाची गरज आशिल्ल्याचें सांगलें. तशेंच तांणी वेवस्थापन, शिष्टाचार आनी हेर वेव्हारीक गजालींचेर मार्गदर्शन केले.

गोंय विधानसभेचे सभापती डॉ. गणेश गावकर हांणीय अधिकारी आनी कर्मचाऱ्यांक मार्गदर्शन केले.

चर्चासत्रात गोंय विधिमंडळ सचिवालयातले अधिकारी आनी कर्मचाऱ्यांनी उमेदीन वाटो घेवन विधिमंडळ सचिवालयातल्या प्रशासकीय कामकाज प्रक्रियेत सुदारणा करपाचेर भासाभास केली.

विधानमंडळ सचिवालय सचीव श्रीमती नम्रता उल्मन, जोडसचीव श्री. मोहन गावकर आनी हेर अधिकारी कार्यक्रमाक उपस्थित आशिल्लें. कुमारी स्त्रीगधरा नाईक हांणी कार्यक्रमाचे सूत्रसंचालन केले. प्रकाश सतरकर हांणी निमाणे उपकार मानले.

म्हा /सप/ / विगां/ 2026/454