दिव्यांग व्यक्तीं सक्षमीकरण राष्ट्रीय पुरस्कारां खातीर अर्ज मागयल्यात

ता. 15 जून 2026

केंद्रीय सामाजिक न्याय आनी सक्षमीकरण मंत्रालयान 2026 वर्सा खातीरच्या दिव्यांग व्यक्तीं सक्षमीकरण राष्ट्रीय पुरस्कारां खातीर ऑनलायन अर्ज/नामांकनां स्विकारपा खातीर ( www.awards.gov.in ) हो पोर्टल उकतो केला.

सामाजिक न्याय आनी सक्षमीकरण मंत्रालय दिव्यांग व्यक्तींच्या सक्षमीकरणा खातीर राष्ट्रीय पुरस्कार येवजण राबयता. हे राष्ट्रीय पुरस्कार दर वर्सा 3 डिसेंबराक दिव्यांग व्यक्तीं आंतरराष्ट्रीय दिसा भेटोवपात येता.

शिक्षण, रोजगार, इनोव्हेशन, समाज सेवा, सुलभता आनी दिव्यांक व्यक्तींक समाजाच्या मुखेल प्रवाहात हाडपाच्या वावराक प्रोत्साहन दिवपा खातीर हे पुरस्कार दितात.

दिव्यांग व्यक्तीं सक्षमीकरण राष्ट्रीय पुरस्कारां खातीरची सोपी आनी तर्कशुध्द मार्गदर्शक तत्त्वां खात्याच्या (www.depwd.gov.in ) ह्या वेबसायटीचेर तशेंच ( www.awards.gov.in ) ह्या पुरस्कार पोर्टलाचेर उपलब्ध आसात. अर्ज/नामांकनां धाडपाची निमाणी तारीख 31 जूलय 2026 आसा. पात्र व्यक्तीं, बिगर सरकारी संस्थां आनी दिव्यांग सक्षमीकरण मळार काम करपी संघटनांनी पात्र उमेदवारांची पुरस्कारा खातीर शिफारस करची, अशें दिव्यांग व्यक्तीं सक्षमीकरण संचालनालय, पर्वरी हांणी मागला.

म्हा /सप/ / विगां/ 2026/410