उत्तर गोंयांत पावसाळ्यात रस्ते खणपाक बंदी

ता. 4 जून 2026

उत्तर गोंय जिल्हाधिकाऱ्यान पावसाळ्यात उत्तर गोंय वाठारांतलो खंयचोय रस्तो वा रस्त्याचो भाग लेखी परवानगी घेतली बगर खंयचीय व्यक्ती, एजन्सी वा संघटनेक खणपाक बंदी लागू केल्या. तशेंच सध्या संबंदीत व्यक्ती वा एजन्सीन रस्ते वा रस्त्याचो भाग खणील्लो आसत जाल्यार तो बेगीनात बेगीन दुरूस्त करपाचो आदेश दिला.

पावसाच्या दिसांनी रस्ते खणिल्ल्यान रस्त्यांचेर फोंड तयार जातात, रस्त्यातेर खडी आनी माती पसरता, फोंडकुलांनी उदक साठोवन उरता आनी अशां रस्त्यांचेर चलतना आनी गाडी चलयतना धोको उप्रासता, तशेंत खणिल्ल्या रस्त्यांचेर लायटीच्यो वायरी वयर आसल्यार शॉक येवपाच्यो घडणूको घडटात.

म्हा /सप/ / विगां/ 2026/398