पुण्यश्लोक अहिल्यादेवी होळकर नारी शक्ती सन्मान 2026 कार्यक्रमात कर्तृत्ववान महिलांचो सन्मान

“महिलांमदी वेवसायिक मळार फुडारपण आनी संधी निर्माण करपाची क्षमता आसा- मुख्यमंत्री डॉ. प्रमोद सावंत

ता. 4 जून 2026

गोंय सरकारच्या ग्रामीण उदरगत प्राधिकरणान समृद्धी फाउंडेशन गोंय हांच्या सहकार्यान आयज फोंडेच्या राजीव कला मंदीरात आयोजीत कार्यक्रमात सामाजीक उदरगत, सामाजीक नेतृत्व आनी सक्षमीकरण मळावयल्या महिलांच्या योगदानाची दखल घेवन पुण्यश्लोक अहिल्यादेवी होळकर नारी शक्ती सन्मान 2026 पुरस्कार भेटयले. ग्रामीण उदरगत आनी उपजीविका प्रोत्साहन मळार वावर करपी महिला फुडारी, आपमजत गट, सामाजीक संस्था, संबंदीत वेवसायिक कार्यक्रमाक मोठ्या संख्येन हजर आशिल्लें.

पुण्यश्लोक अहिल्यादेवी होळकर हांच्या वारशाक समर्पित कार्यक्रमात नेतृत्व, लोकसेवा, आत्मनिर्भरता आनी सामाजीक बांदीलकीच्या मूल्यांचो सन्मान केलो. ह्या वेळार समाजांमदी सकारात्मक बदल घडोवन हाडपाक महिलांच्या भूमिकेचेर भर दितना अदीक आस्पावित आनी प्रगतीशील समाज घडोवपा खातीर तांणी दिल्ल्या योगदानाची दखल घेवन समाजकल्याण, समाज सेवा, नेतृत्व आनी महिला सक्षमीकरण क्षेत्रांतल्या योगदाना खातीर श्रीमती आशा सावर्डेकर, श्रीमती पल्लवी साळगांवकर आनी श्रीमती दिपाली नाईक हांकां ‘नारी शक्ती सन्मान 2026 प्रदान केलो.

ह्या वेळार उलयतना मुख्यमंत्री डॉ. प्रमोद सावंत हांणी महिला सक्षमीकरण आनी सामाजीक विकासाचेर भर दिवपी अर्थपूर्ण उपक्रमाची संकल्पना घेवन कार्यक्रम आयोजीत केल्ले खातीर समृद्धी फाउंडेशन आनी आयोजकांचे अभिनंदन केले. अहिल्याबाई होळकर हांची जीण आनी सामाजीक योगदानाचो उगडास करून, अहिल्याबाईं एक धाडशी, दूरदर्शी नेतृत्व, सुशासन आनी लोककल्याणाप्रती बांदीलकी आशिल्लें व्यक्तिमत्व आशिल्ल्याचो उल्लेख केलो.

गोंयच्या कुणबी साडयेच्या यशस्वी पुनरुज्जीवनाचे उदाहरण दिवन मुख्यमंत्री डॉ. सावंत हांणी सांगलें, पारंपरिक दायजाचे जतन करपा वांगडाच शाश्वत अर्थिक संधी निर्माण केल्ल्यान महिलांक आनी थळाव्या समाजाक सक्षम करप शक्य आसा. महिलांनी अर्थिक बाबतीत सक्षम जावपा खातीर फकत नोकरी सोदपा फाटल्यान धाव नासतना उद्देजीका आनी वेवसायिका जावपाक जाय, अशें तांणी सांगलें.

कार्यक्रमाक राज्यसभा खासदार श्री सदानंद शेट तानावडे; ग्रामीण विकास प्राधिकरण सचीव, आयएएस श्री अर्जुन मोहन; समृद्धी फाउंडेशन गोवा अध्यक्ष श्री अमेय एम. आमशेकर; ग्रामीण उदरगत खात्याचे श्री संगम पाटील; डीआरडीए दक्षीण गोंय प्रकल्प संचालक श्रीमती दिपाली नाईक; महिला उद्योजक, बचत गट सदस्य, समाजसेवक आनी हेर मानेस्त उपस्थित आशिल्लें.

म्हा /सप/ / विगां/ 2026/400