दक्षीण गोंय आनी कुशावती म्हालांत पावसाळ्यात रस्ते खणपाक बंदी

ता. 5 जून 2026

दक्षीण गोंय आनी कुशावती जिल्हाधिकाऱ्यान पावसाळ्यात दक्षीण गोंय आनी कुशावती म्हालांतलो खंयचोय रस्तो वा रस्त्याचो भाग, पायण वा गल्लीतलो रस्तो व ताचो भाग लेखी परवानगी घेतली बगर खंयचीय व्यक्ती, एजन्सी वा संघटनेक खणपाक बंदी लागू केल्या. उदका पुरवण, सिव्हेज, लायट, टेलिफोन, गॅस पायपलायन वा हेर कसल्याय ताकतीकेच्या सेवे खातीर रस्तो खणचो पडटा आसत जाल्यार भौशीक बांदकाम खात्याक अर्ज करून परवानगी घेवप आवश्यक आसा. पावसाळ्यात खणील्ल्या रस्त्यांचेर उदक सांठून उरता, रस्त्यावली खडी वा चिखलालक लागून निसरून पडतात तशेंच लायटीच्यो वायरी वयर आसल्यार शॉक लागपाच्यो घडणूको घडपाची शक्यताय आसता. अशा तरेन रस्त्यान चलून वचपी मनशाक, वाहनांक आनी सर्वसामान्य लोकांच्या जीवाक गंभीर धोको निर्माण जाता.

हो आदेश ता. 3 जून 2026 सावन लागू जाला आनी तो पयली फाटी घेतलो ना जाल्यार 2 ऑगस्ट 2026 मेरेन लागू उरतलो. ह्या आदेशाचे उल्लंघन करपी व्यक्ती/एजन्सीचेर कायदेशीर कारवाय जातली.

म्हा /सप/ / विगां/ 2026/403