शिक्षणीक संस्थांच्या 100 मिटर वाठारांत तंबाखू उत्पादनां विकपाक बंदी

ता. 3 जून 2026

गोंय राज्य बाल हक्क संरक्षण आयोगान शिक्षणीक संस्थां लागी तंबाखू उत्पादनां विक्री बंदी आनी सोरो विक्री (घाऊक आनी किरकोळ) नियमन कायद्याची अंमलबजावणी करपा संदर्भात एक परिपत्रक जारी केला. सिगरेट्स आनी हेर तंबाखू उत्पादन कायदो, 2003 (COTPA) च्या कलम 6 (ब) खाला खंयच्याय शिक्षणीक संस्थेच्या100 मिटर वाठारांत तंबाखू उत्पादनां विकपाक बंदी आसा. तशेंच बाल न्याय (भुरग्यांची काळजी आनी संरक्षण) कायदो, 2015 च्या कलम 77 प्रमाण खंयच्याय भुरग्याक तंबाखू वा सोऱ्या सारखे घुवळीं पदार्थ दिवप वा दिवपाक कारणीभूत थारप हो एक गुन्यांव जावन आसा.

वयल्या कायद्याची अंमलबजावणी करपा खातीर गोंय राज्य बाल हक्क संरक्षण आयोगान सगळ्यां शिक्षणीक संस्थांक परिपत्रक जारी करून शिक्षणीक संस्थांक आपल्या संस्थेच्या भायर “ह्या संस्थेच्या 100 मिटर वाठारांत तंबाखूचे पदार्थ विकपाक बंदी आसा” अशें तकटे लावपाचो आदेश दिला. तशेंच संस्थांच्या मुखेल्यांक आपल्या सरभोवतणच्या वाठारांत नदर दवरपाक आनी संस्थे लागी तंबाखूची विक्री वा सोऱ्याची बेकायदेशीर विक्री जाता आसत जाल्यार लागीच्या पुलीस स्टेशनार आनी संबंदीत अधिकाऱ्यांकडेन कागाळ करपाक सांगला.

संबंदीत अधिकाऱ्यांनी शिक्षणीक संस्थांच्या कागाळीची नोंद घेवन कायद्याचे उल्लघन करप्यांआड कायदेशीर कारवाय करची, अशें आयोगान मागला.
म्हा /सप/ / विगां/ 2026/392