बकरी ईदानिमतान कुर्बानी खातीर वेवस्था

ता. 21 मे 2026

बकरी ईदानिमतान कुर्बानी खातीर उसगांव-फोंडें हांगाच्या सरकारी कत्तलखान्यात वेवस्था केल्या. कत्तलखान्यात 28 आनी 30 मे मजगती कुर्बानी दिवपाची वेवस्था आसतली. हालीच मुख्य सचीव डॉ. सी. कांडावेलू हांच्या यजमानके खाला सचिवालयांत जाल्ल्या सरकारी अधिकारी आनी अखिल गोंय मुस्लीम जमात संघटनेच्या प्रतिनिधींच्या बसकेत वयलो निर्णय घेतला.

कुर्बानी खातीर जनावरां घेवन राज्यांत प्रवेश करपी वाहनांची चेकपोस्टांचेर तपासणी जातली. वाहन चालकांकडेन जनावरां संबंदीत एन्टेमोर्टम सर्टिफिकेट, पोस्टमोर्टम सर्टिफिकेट आनी पुराय नामो, फोन नंबर आनी हेर म्हायती सयत परवान्याची प्रत आसपाक जाय. कत्तलखान्यात रेडो सोडून बैल आदी सारख्या फकत व्हडल्या जनावरांची आनी फकत सरकारी कत्तलखान्यात दिवपात येवपी कुर्बानी कायदेशीर आसतली. सरकारी कत्तलखान्यात सोडून हेर कडेन जावपी कुर्बानी बेकायदेशीर आसतली. कुर्बानी खातीर जनावरां घेवन राज्यांत प्रवेश करपी वाहनचालकांनी सकयल्या अधिकाऱ्यांकडेन संपर्क करचो.

मोले चेकपोस्ट- पशू वैजकी अधिकारी डॉ. कृध्ना संदीप गावकार (मो. नं. 9607918135), केरी चेकपोस्ट- डॉ. सिध्देश एस. पेडणेकर (मो. नं. 9607918122), पोळे चेकपोस्ट- डॉ. अर्पिता नाईक (मो. नं. 9607918143), दोडामार्ग चेकपोस्ट- डॉ. सौरभ एस. मोरजकर (मो. नं. 9403642438) आनी पत्रादेवी चेकपोस्ट- डॉ. वैभव के. परब (मो. नं. 8355815467) हांचे लागी संपर्क करचो.

म्हा /सप/ / विगां/ 2026/350