राजभाषा गौरव पुरस्कार आनी राजभाषा कीर्ती पुरस्कारासाठी अर्ज

ता. 8 मे 2026

भारत सरकारच्या, नवी दिल्लीतील गृह विभागांतर्गत येणाऱ्या राजभाषा विभागाने 2025-26 वर्षापासून ‘राजभाषा गौरव पुरस्कार योजना’ नावाची सुधारित योजना सुरू केली आहे, ज्याचा उद्देश मूळतः हिंदी भाषेमध्ये पुस्तके लिहिणे आणि हिंदी राजभाषेला प्रोत्साहन देणे हा आहे.

या योजनेअंतर्गत, अभियांत्रिकी, इलेक्ट्रॉनिक्स, संगणकीय विज्ञान, कायदा आणि पोलिस संशोधन, न्यायवैद्यक विज्ञान, संस्कृती, धर्म, कला व वारसा आणि इतर संबंधित विषयांवर हिंदीमध्ये मूळ पुस्तके लिहिणाऱ्या भारताच्या नागरिकांना पाच श्रेणींमध्ये सन्मानित केले जाईल. तसेच अभिजात साहित्य आणि संस्कृती, कला, वारसा इत्यादींशी संबंधित विषयांवर हिंदीमध्ये अनुवादित पुस्तकांसाठी देखील पुरस्कार दिले जातील. शिवाय, ‘सी’ प्रदेशातील गैर-हिंदी लेखकांना देखील पुरस्कार दिले जातील.

प्रत्येक श्रेणीमध्ये 1.5 लाख ते चाळीस हजार रुपयांपर्यंत तीन पारितोषिके असतील. जानेवारी ते डिसेंबर 2026 दरम्यान प्रकाशित झालेल्या पुस्तकांचा पुरस्कारासाठी विचार केला जाईल.

त्याचप्रमाणे, मंत्रालये, विभाग, पीएसयू, मंडळे, स्वायत्त संस्था, न्यास, राष्ट्रीयीकृत बँका, विभागीय हिंदी मासिके इत्यादींसाठी सरकारने ‘राजभाषा कीर्ती पुरस्कार’ नावाची पुरस्कार योजना देखील सुरू केली आहे. राजभाषा धोरणाच्या अंमलबजावणीशी संबंधित त्रैमासिक प्रगती अहवालांवर आधारित तीन पुरस्कार प्रदान केले जातील. इच्छुक संस्थांनी पुरस्कारासाठी पात्र होण्यासाठी इतर निकष पूर्ण केले पाहिजेत.

पुस्तकांचे मूल्यांकन सरकारद्वारे गठित समितीद्वारे केले जाईल. पुरस्कारासाठी पुस्तकाच्या तीन प्रती जोडलेल्या प्रोफॉर्मासह पाठवला पाहिजे. दोन्ही योजनांच्या अटी व शर्तीबद्दल अधिक तपशील https://rajbhasha.gov.in/en किंवा https://rajbhasha.gov.in. या विभागाच्या वेबसाइटवर उपलब्ध आहे.