रविंद्र भवनात भारतीय लोकनाच आनी आदिवासी नृत्य कार्यक्रम

ता. 28 एप्रिल 2026

कला आनी संस्कृती संचालनालयान भारतीय लोकनाच आनी आदिवासी नृत्य कार्यशाळा कार्यक्रमा खाला फाल्या 29 एप्रिल 2026 दिसा सकाळी 8.30 वरा सावन मडगांवच्या रविंद्र भवनात भारतीय लोकनाच आनी आदिवासी नृत्याचे अंतीम सादरीकरण आयोजीत केला.

एक भारत, श्रेश्ठ भारत उपक्रमा खाला 20 ते 25 एप्रिल मेरेन आयोजीत केल्ल्या कार्यशाळेचो समारोप कार्यक्रम सकाळी 10.00 वराचेर जातलो. कला आनी संस्कृती मंत्री श्री. रमेश तवडकर कार्यक्रमाक मुखेल सोयरे म्हूण उपस्थित रावतले.

कार्यशाळेत सहभागी जाल्ल्या शाळांतल्या विद्यार्थ्यांक महाराष्ट्रातले कोळीगीत, तरपा, लेझीम, गुजरातचो गरबा, तिपाणी, हरयाणाचो घुमर, छत्तीसगडचो कर्मा, पंजाबचो भांगडा, आसामचो भिहू, राजस्थानचो कलबेलीय, ओडिशाचो संबलपूरी आदी भारतीय लोकनाच आनी आदिवासी नृत्यांचे प्रशिक्षण दिला.

म्हा /सप/ / विगां/ 2026/300