दिव्यांग सक्षमीकरण खात्यावतीन दिव्यांग व्यक्तिंचे सर्वेक्षण

ता. 16 एप्रिल 2026

दिव्यांग सक्षमीकरण खात्यावतीन 21 मार्च 2026 सावन दारादारांनी वचून दिव्यांग व्यक्तिंचे सर्वेक्षण करपात येतले. सांगे आनी दिवचल तालुक्यात प्रायोगिक तत्वाचेर सर्वेक्षण सुरू करतले. दिव्यांग व्यक्तिंचो सोद घेवप, तांच्यो गरजो जाणून घेवप आनी तांच्या खातीर सरकारान सुरू केल्ल्या विविध येवजण्यो आनी सेवांची म्हायती करून दिवप हो सर्वेक्षणाचो उद्देश आसा.

ह्या सर्वेक्षणा वरवीं दिव्यांग व्यक्तिंची म्हायती एकटाय करून तांकां विविध येवजण्यो आनी सेवांचो लाव मेळोवन दिवपाक मजत जातली. समाज कल्याण खात्याचे अधिकारी घराघरांनी भेट दिवन दिव्यांग व्यक्तिंचे सर्वेक्षण करतले. लोकांनी अधिकाऱ्यांक दिव्यांग व्यक्तिंची म्हायती दिवन सरकारान तांच्या कल्याणा खातीर सुरू केल्ल्या येवजण्यांची अंमलबजावणी करपाक सहकार्य करचे.

सांगे आनी दिवचल तालुक्यातल्या सर्वेक्षणा उपरांत हेर तालुक्यांनीय सर्वेक्षण सुरू करतले. लोकांनी कसलीय कागाळ आसल्यार वा मजत जाय आसल्यार दिव्यांग सक्षमीकरण खात्याकडेन संपर्क करचो.

म्हा /सप/ / विगां/ 2026/257